LOST STARS LIVEHOUSE BAR & EATERY (已結業)

餐廳坐得好舒服，座位佈局應該有design過，星期日下午三時有live show，我呢個禮拜 Catherine Wong唱得好好，好清新。主角倒底係食物，定係呢個舞台?傻傻分不清。可惜係下午食物款式選擇太少，三四款lunch menu，六七款tea嘢食，三款甜品，如果多啲嘢食就好喇。好多枱order全日早餐，睇到真係超豐富，但我哋食完午飯來，所以點了凱撒沙律午餐、九龍城烤蝦小食，同埋鐵鑊蜂蜜熱香餅，講真，味道係more than好多高級餐廳，有啲酒店都冇佢咁好食，難得悠悠閒食少少嘢，仲有好多啤酒餐酒 cocktail，啱晒好酒嘅我，正！如果嘢食可以多啲選擇就更好。live 時段更多又更好。平日三至六晚有live，嘢食會多好多揀，會再來。好啱食住hea。hea住食。