阿叔泰麵 (西菁街) (已結業)

約左朋友係元朗食飯 見佢話想試呢間 就二話不說約左去呢間食 事關之前都已經試過一次 非常唔錯 所以諗都唔諗就帶左佢去到唔洗等位 直接入座 今次坐六人枱但座位有d逼 不過唔緊要 因為呢種小本經營既餐廳本身就唔係食個環境 上次叫左個牛肉船麵 覺得好好食 今次叫左個豬肉船麵試一試碗麵黎到 第一時間試左個湯先 同之前一樣咁濃咁香 入面仲放左炸豬皮 雖然好唔健康 但真係好香 吸左d湯之後 舊豬皮係口入面有溶化既感覺 直頭有衝動叫碟淨豬皮 食到最後d湯差唔多無曬 雖然個湯有維持水準 但係個河粉有少少痴埋一舊 好似食緊布拉腸粉咁 朋友叫左金邊粉 比較無咁吸湯 食到最後都仲有湯淨 所以大家揀麵底個陣記得考慮一下 聽朋友講 船麵本身係細細碗既 估唔到呢到咁夠份量 所以想試好多野既朋友記得都要諗清楚自己既食量 唔好叫太多 一係就叫多d朋友一齊食最後仲叫左個綠奶茶埋尾 飲落似綠茶加斑蘭既味 有d意想不到 飲開泰式奶茶而又想試新野既朋友可以試一試