影片
更多
2019-04-26
37 瀏覽
之前間唔中經過呢間小店，裝修係平實派，雖然冇試過，不過見佢生意都唔錯。聽到朋友仔話間野好多唔同菜式，最得意係有大澳菜( 有如其名)就試下啦。我地叫左個惹味卜卜蜆配泡飯, 雪菜蒸黃花，金磚脆豆腐配墨魚餅，同佢力推既自家制檸檬薏米水。檸檬薏米水有大量薏米，少少酸甜幾清新。卜卜蜆最快上枱。一鍋生勾勾既蜆，上面鋪滿蒜蓉同芫茜，開爐！叔叔話一滴水都冇加嫁，慢慢加熱迫出水份，之後先可以撈匀啲配料，唔係會痴底。睇住佢一路出水一鑊熟都幾得意。啲蜆都幾多又大隻，最後我地枱有兩座蜆殼山。食到咁上下就可以加入白飯同脆米。叔叔温馨提士脆米口感少少硬可以按口味加入，我地鍾意有咬口所以落晒都覺得ok~雪菜黃花係重口味少少，鹹香鹹香，配白飯應該更正，因為我地空口食，但都清晒碟🤪金磚脆豆腐配墨魚餅個豆腐同坊間差不多，值得一提既係真係好新鮮上桌，入口個下勁熱，豆腐嫩外皮薄。墨魚餅有咬口，外衣撒上黑芝麻。估唔到炮台山有咁特別既菜式，我見隔離枱叫左脆皮豬手，一上枱個小朋友歡呼😂😂下次有機會試下😂😂
我地叫左個惹味卜卜蜆配泡飯, 雪菜蒸黃花，金磚脆豆腐配墨魚餅，同佢力推既自家制檸檬薏米水。
檸檬薏米水有大量薏米，少少酸甜幾清新。
卜卜蜆最快上枱。一鍋生勾勾既蜆，上面鋪滿蒜蓉同芫茜，開爐！叔叔話一滴水都冇加嫁，慢慢加熱迫出水份，之後先可以撈匀啲配料，唔係會痴底。睇住佢一路出水一鑊熟都幾得意。啲蜆都幾多又大隻，最後我地枱有兩座蜆殼山。食到咁上下就可以加入白飯同脆米。叔叔温馨提士脆米口感少少硬可以按口味加入，我地鍾意有咬口所以落晒都覺得ok~
雪菜黃花係重口味少少，鹹香鹹香，配白飯應該更正，因為我地空口食，但都清晒碟🤪
金磚脆豆腐配墨魚餅個豆腐同坊間差不多，值得一提既係真係好新鮮上桌，入口個下勁熱，豆腐嫩外皮薄。墨魚餅有咬口，外衣撒上黑芝麻。
估唔到炮台山有咁特別既菜式，我見隔離枱叫左脆皮豬手，一上枱個小朋友歡呼😂😂下次有機會試下😂😂
張貼
