97
3
2
港鐵炮台山站 A 出口, 步行約3分鐘 繼續閱讀
電話號碼
37051277
開飯介紹
港式茶餐廳,供應多款粥粉麵飯及小菜,招牌菜包括招牌藏傳豬雜雞煲、三弄脆皮鹹豬手。 繼續閱讀
營業時間
今日營業
07:00 - 23:30
星期一至日
07:00 - 23:30
公眾假期
07:00 - 23:30
公眾假期前夕
07:00 - 23:30
付款方式
AlipayHK 支付寶 現金
其他資料
當面支付
食評 (115)
等級3 2020-09-12
0 瀏覽
雖然食評已經一有空餘時間就開始還債,但係有陣時小妹會幫告急的小店先出食評,希望可以幫得幾多就幾多啦!德發就變咗較後先出啦,因為此良心茶認都算係區中數一數二,同區有花心的小妹最愛嘅閏家,同路人都可以去幫襯下。雖然都已經沒有了前些食評中的文宣,但電視播放是同路人最愛的VIU TV,已經非常足夠了,可以食餐安落茶飯,唔會TBB 假新聞台一直狂loop , 睇到冇晒胃口。因為工作接住落嘅關係,比較趕忙下食個快餐之中嘅頹餐,豬扒蛋出前一丁,豬扒肉質唔似膠水凍扒,有淡淡的香茅味,出前一丁有出前一丁味,蛋有蛋味,一個人的快餐除左碌下電話☎️外,真係唔知講咩好哈哈,整個心都在想工作上的事情,沒有好好享受當下,可能同是大部份香港人的弊病,要趁WFH時間好好反思。另外檸茶既茶膽係非常欣賞,之前嘅食評都話佢嘅晚飯小菜都好出色,希望下次有機會可以再嚟幫襯。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-07
0 瀏覽
💛 大澳德發 💛(上)..............................👦🏻👧🏻見幫襯嘅黃店大部分都係九龍新界就決定遠征港島區 繼續試新黃店🥰餐廳出名食大澳嘢 有好多蝦醬蝦乾鹹魚有朋友對蝦敏感 所以就無叫蝦醬嘅嘢 當打冷下一次去就有叫到蝦醬鹹魚嘅嘢 可以留意下個po🤩因為太長 仲有一個卜卜蜆去咗下個po🥰.🔅想知黃店原因請Pm💛..............................🍽三弄脆皮鹹豬手 $158(👏🏻6.5/10).平時油渣係唔食豬手架 因為覺得好乾好鹹呢隻豬手一啲都唔乾 啲肉好腍 調味亦都啱啱好個皮第一下食落好脆 但咬咬下又痴住隻牙😩我地好鍾意佢個醬 有啲似金拱門嘅蜜糖芥末醬點埋個醬食酸酸甜甜咁好開胃🤤.🍽椒鹽鮮魷 $88(👏🏻7/10).個皮上枱又薄又脆 不過食食下會腍咗😣我幾鍾意佢呢隻炸皮有個泡泡圍住咁鮮魷食得出真係好新鮮 好彈牙 條條都好大嚿惹味程度都唔錯 不過我覺得可以再重口味啲如果多翻啲炸蒜同椒鹽就好啦🤤.🍽欖菜肉鬆四季豆 $68 (👏🏻8/10).啲豆好嫩喎 好少喺街食到咁鮮嫩嘅四季豆😈呢道菜就偏重口味 四季豆煸到啲收哂水咁食落超正 價錢又唔算貴 送飯一流 推薦!最抵讚係食晒成碟四季豆都無渣 有認真處理過😍.🍽蠔仔煎蛋 $85(👏🏻9/10).蠔仔正常大細 食落無殼同唔腥 蠔仔份量都算多入面有啲菜甫同蔥 食落超香口 鹹鹹鮮鮮咁煎蛋係偏向煎蛋餅嘅類型 煎到金黃色微焦咁好鍾意呢種煎蛋 食落充滿蛋香🥳.題外話:夜晚6點後每消費滿$100就送$50現金券我地食$600幾就拎番$300現金劵🤩當錢用 無話要食夠幾錢先用得 超抵食😳...............................🎈 大澳德發 (北角)北角英皇道153號英皇樓地下.............................. 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-23
132 瀏覽
成日喺炮台山覓食,今日試下呢間黃店。餐廳黎講,唔理黃藍,最緊要味道同態度。叫咗個鮮茄金菇南瓜通粉,配餐肉、鮮奶炒蛋、丹麥酥多士、茶走。落單嗰陣都好地地,到個餐一上台,咦,餐肉呢?侍應俾錯咗腸仔。叫個女侍應黎,話:唔好意思呀,我轉餐肉架。點知個侍應話:無餐肉架!吓?咁妳頭先落單嗰陣又唔講?懷疑佢落錯單,於是喺佢行開嗰陣,叫另外一個男侍應黎,問:我轉餐肉架,可唔可以幫我換返?男侍應:無得轉餐肉架!吓。然後聽到隔離台叫餐肉,又有喎!你哋啲侍應落錯單,唔道歉都算啦,換返咪無事囖。死都唔認錯,仲要一個呃我話無餐肉,一個呃我話無得轉餐肉......講大話都夾吓口供先啦......講真,食物味道 OK架,只不過個奶茶杯嘅外觀得人驚少少,同埋服務態度差少少囖。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-11
193 瀏覽
今日要去揾朋友,一落車就落大雨,唯有去最近呢間茶記食飯~呢間餐廳裝修都好靚同新淨,衛生有做足,抵讚!今日星期一,有啲特價餐,但我同朋友都冇揀到,因為其他餐都好特別好吸引咁!我叫左個蕃茄濃湯稻庭烏冬配椒鹽雞中翼($52)呢個餐有配一個蒜茸包同一杯熱飲,我就加$3轉左紅豆冰~個蒜茸包真係超正!好香同脆卜卜,新鮮!蕃茄湯烏冬一上菜就聞到超香既蕃茄味啦!仲有好多粒蕃茄粒,超足料架!而烏冬就夠晒彈牙同煙un~最正都係個椒鹽雞中翼,炸到金黃香脆,炸粉又唔會好厚,雞肉熟晒得黎又唔會「鞋」,調味都啱啱好!朋友叫既是日午餐既咖哩牛腩飯($55)咖哩超大碗,個碗底全部都係牛腩黎!啲肉多到佢男仔都食唔晒!咖哩有少少辣,食得好過癮,唔食得辣既朋友都食到~飯粒係粒粒分明唔會太唸/太硬,牛腩同薯仔都燜得夠唸,正! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-23
390 瀏覽
有人話要判別一間茶餐廳嘅好與壞,就要試吓佢個乾炒牛河夠唔夠好食,夠唔夠鑊氣今日黎到炮台山食lunch,又重臨大澳德發,決定試下佢個牛河成個午餐都只係需要$49,好抵而黎到之後就更加經驗,成個乾炒牛河好有鑊氣,但又唔會炒燶咗(之前係第二間食試過好燶),d配料又足,芽菜同蔥等等,其實令到成個牛河更有口感同更加香,十分出色👍🏻👍🏻,喜出望外❗️❗️❗️整體來講係好好食既牛河,鍾意食既朋友千祈唔好錯過 繼續閱讀
(以上食評乃用戶個人意見 , 並不代表OpenRice之觀點。)