極尚大瀛喜日本料理

營業中

休息中

今日想介紹一間幾高質素既放題，相信大家都唔會好陌生，就係極尚大灜喜啦！上到去好快就已經可以食野，地方座位都坐得幾舒服佢係用手機app去落單 有時要等侍應過黎收紙仔都要等好耐 依家唔再需要填紙仔 慳左好多時間餐牌好多種類 基本想食既野都有，飲料方面有汽水，茶仲有啤酒比大家選擇係等緊野食既時侯可以出去自助區，食個沙津同飲碗湯暖下身先我地嗌左既壽司有芒果龍蝦沙律卷、鰻魚壽司、花之戀最值得推介既係 蒜香極上牛肉火炙壽司！牛肉都幾有肉味 食得出係有返咁上下質素 再經過火槍燒至微微既焦香 好味！仲嗌左d串燒、天婦羅芝麻雞翼外表炸得金黃酥脆，加埋芝麻非常香口最後後仲叫左個蟹粥，粥低煲好綿軟，蟹有好多既黃同膏，食哂咁多野真係大滿足。