影片
更多
2014-08-02
7466 瀏覽
大滿喜，可一，又可再！！第一次食大滿喜-今次一行二人食放題，其實係創興附近見到人派傳單，搞到了起條癮。我本身唔太鍾意食放題，因為一夠鍾就比人趕走。今次walk in 上去等左十分鍾就位，幾意外。仲要比我由21：30食到00：00！！可能係閒日卦？！食物方面，還不錯。羊架真係要讚下，好香，多肉汁，有酒店嘅水準！！好羊嘅朋友應該一試！我自己都食左六件！羊架都係要熱辣辣先好食，凍左就麻麻另外要讚嘅係，燒雞串，雖然睇得出係攞貨返黎，不過佢真係燒得好食，曾經我有係屋企試過整，不過都唔夠佢燒得好食。前菜中規中矩，都係個啲，不過甜蕃薯唔suggest，奇奇怪怪咁，dry 到一個點！天婦羅，都幾正常，普普通通，係得炸紫色蕃薯特別好食。另外啲炸野都還不錯，香芋丸highly recommend,每次食完先記得要影佢xd 所以最後都影唔成。因為得兩條友，唔敢嗌咁多鍋，所以淨係叫左蟹粥同肥牛鍋，蟹粥真係有成隻蟹，太意想不到！！而且幾好味，兩個人啱啱好。但肥牛鍋就有啲油，食完好膩壽司都ok嘅，見到張紙個到有啲好有趣嘅壽司，eg,香蕉朱古力手卷，士多啤梨芝士卷，芒果卷……我有認真諗過係咪甜品黎嘅，不過原諒我冇敢
大滿喜，可一，又可再！！第一次食大滿喜-今次一行二人食放題，其實係創興附近見到人派傳單，搞到了起條癮。我本身唔太鍾意食放題，因為一夠鍾就比人趕走。今次walk in 上去等左十分鍾就位，幾意外。仲要比我由21：30食到00：00！！可能係閒日卦？！
食物方面，還不錯。羊架真係要讚下，好香，多肉汁，有酒店嘅水準！！好羊嘅朋友應該一試！我自己都食左六件！羊架都係要熱辣辣先好食，凍左就麻麻
另外要讚嘅係，燒雞串，雖然睇得出係攞貨返黎，不過佢真係燒得好食，曾經我有係屋企試過整，不過都唔夠佢燒得好食。
前菜中規中矩，都係個啲，不過甜蕃薯唔suggest，奇奇怪怪咁，dry 到一個點！
天婦羅，都幾正常，普普通通，係得炸紫色蕃薯特別好食。另外啲炸野都還不錯，香芋丸highly recommend,每次食完先記得要影佢xd 所以最後都影唔成。
因為得兩條友，唔敢嗌咁多鍋，所以淨係叫左蟹粥同肥牛鍋，蟹粥真係有成隻蟹，太意想不到！！而且幾好味，兩個人啱啱好。但肥牛鍋就有啲油，食完好膩
壽司都ok嘅，見到張紙個到有啲好有趣嘅壽司，eg,香蕉朱古力手卷，士多啤梨芝士卷，芒果卷……我有認真諗過係咪甜品黎嘅，不過原諒我冇敢嘅膽量去試，啲卷實在太有意思了！
唯一覺得冷麵麻麻地，啲sauce 同肉碎都唔麻麻，食左一啖就放棄了。
飲品，雪糕都係自助，竟然係到揾到我童年嘅味道，牛奶樂！！太high 了！選擇都幾多，唔想飲甜野，仲有道地烏龍茶
服務都好，點左刺身，唔夠10分鐘就上到台，之後其他野都唔洗追，亦冇寫四件黎兩件嘅情況，server ok，都幫我地換左兩次 碟，問攞紙巾都即刻攞比我,有效率！ 如果啲台冇咁逼就更好！
題外話/補充資料：
suggest go after 21:30,it seem like cheaper n faster.also u may eat more than two hours.
i think 198/ppl is resonable as we can stay for a long time until the shop close
(以上食評乃用戶個人意見 , 並不代表OpenRice之觀點。)
張貼
