花晨月夕

超級滿足的一餐！呢間餐廳食omakase好抵食，一直都好想來，不過真心超難訂位。今日終於訂到，結果一點都冇失望，真心好推介！餐廳裝修主要用黑色，感覺高級兼有格調，師傅亦都好細心，可能一睇就知我唔係好大食，所以每件壽司嘅飯佢都俾咗小飯嘅份量我，呢個舉動好窩心。成晚嘅嘢食都好好食，但係我覺得以下落嚟嘅樣嘢係我一定要介紹嘅：先付：第一次試多春魚嘅近親-公魚，成條炸得好脆但又一d都冇油。芝麻昆布都好出色，芝麻味超級濃，口感脆脆配埋銀杏，柚子蘿蔔同甘栗，視覺效果好靚第一道刺身玩味好重，大家一定要有相機ready，因為會有煙霧，同埋大泡泡，好有仙意！佐木魚上面有金粉，紫蘇花同魚子醬，打卡一流，味道當然都好好食啦北海道毛蟹配北海道馬糞海膽本身呢個配搭已經十分之無敵，味道鮮甜，口感Creamy!不過講到要夠Creamy，點都唔及鱈魚白子咁正，輕輕燒過，加埋醋汁同埋辣蘿蔔蓉，真係一流！鹽麴煮呢道菜超級特別，用咗好多種海鮮嚟煮，所以十分之清甜，加埋中途可以用來亂暖一暖胃，成個感覺好正，真係好想叫餐廳俾個匙羹我食埋啲粥！所有壽司其實都好新鮮，好好味，脆口、滑身、入口即溶嘅魚都有齊，不過最奪目嘅一定係最後嗰樣