影片
更多
2017-11-26
1116 瀏覽
前菜六小缽有啲似韓式既前菜豐富程度 當然內容唔似 比較像日式第一口試我最屬意既蟹肉玉子 蟹肉碎灑係玉子面 混著食口感唔錯 玉子都無老到 所以滿意跟住試豆腐 豆腐幾滑 又係類似地將蟹子鋪面 另外如果無試錯應該係日式胡麻醬 食落都幾日式虎蝦配芒果慕斯 俾左友人食哂酸辣羅勒海蜆 好似試唔出酸味 不過咁仲岩食 本身都鍾意食蜆肉 呢份微辣都處理得唔錯然後到枝豆 其實我好少食枝豆 食到上口直覺覺得應該淨係食豆唔食皮 有錯請糾正 聽聞枝豆營養價值都幾高柚子醋海藻沙律 幾爽口 沙律醋份量唔會多到我怕 因為我只食少份量既醋 王樣鱈場蟹海鮮紙火鍋餐牌有兩款蟹宴套餐 同樣包前菜主菜甜品等 主要分別在主菜 簡單講一份西式啲 另一份就係我今次幫襯既紙火鍋紙火鍋幾有gimmick 反正我研究左陣都無發現究竟用咩紙先可以水火不入 邊爐湯底其實幾清下 湯底料有塊好似係昆布吊下味 清清地我諗係想突出海鮮既鮮味火鍋料主要分海鮮同蔬菜類 先講海鮮 海鮮當然唔少得蟹主角 品種辨認唔出 因為我好少食蟹 除左原隻蟹上仲有兩隻大蝦同大概十粒蜆肉 員工會提你海鮮浸七至八分鐘就食得 食落我覺得鮮味都算明顯特別係隻蟹 蟹肉甜甜地幾好食
前菜六小缽
有啲似韓式既前菜豐富程度 當然內容唔似 比較像日式
第一口試我最屬意既蟹肉玉子 蟹肉碎灑係玉子面 混著食口感唔錯 玉子都無老到 所以滿意
跟住試豆腐 豆腐幾滑 又係類似地將蟹子鋪面 另外如果無試錯應該係日式胡麻醬 食落都幾日式
虎蝦配芒果慕斯 俾左友人食哂
酸辣羅勒海蜆 好似試唔出酸味 不過咁仲岩食 本身都鍾意食蜆肉 呢份微辣都處理得唔錯
然後到枝豆 其實我好少食枝豆 食到上口直覺覺得應該淨係食豆唔食皮 有錯請糾正 聽聞枝豆營養價值都幾高
柚子醋海藻沙律 幾爽口 沙律醋份量唔會多到我怕 因為我只食少份量既醋
王樣鱈場蟹海鮮紙火鍋
餐牌有兩款蟹宴套餐 同樣包前菜主菜甜品等 主要分別在主菜 簡單講一份西式啲 另一份就係我今次幫襯既紙火鍋
紙火鍋幾有gimmick 反正我研究左陣都無發現究竟用咩紙先可以水火不入 邊爐湯底其實幾清下 湯底料有塊好似係昆布吊下味 清清地我諗係想突出海鮮既鮮味
火鍋料主要分海鮮同蔬菜類 先講海鮮 海鮮當然唔少得蟹主角 品種辨認唔出 因為我好少食蟹 除左原隻蟹上仲有兩隻大蝦同大概十粒蜆肉 員工會提你海鮮浸七至八分鐘就食得 食落我覺得鮮味都算明顯特別係隻蟹 蟹肉甜甜地幾好食 所以我話海鮮配呢個非重口味既湯底都幾配
本來見上枱既海鮮量唔多仲心諗實唔夠飽 事實證明少年我實在太年輕了 蟹蓋多膏幾填肚 加上其他陸續上枱既side dish後來差啲食唔哂
盤蔬菜有油墨同娃娃菜 另外有啲菇有粟米有南瓜有獅子狗有啲魚蛋口感既唔知叫咩 基本上我打爐都會叫菜同埋多多益善所以岩哂
整體食物質素係ok 只係本人唔擅長食蟹所以有啲狼狽 我慣左用剪刀剪開長脚蟹黎食 呢種就唔係好慣用餐廳提供個鉗解剖隻蟹 有個筒係裝殼用 工作人員都好殷勤咁過黎換左好幾次 見用完又再遞過乾濕紙巾 服務態度值得一讚
芝士蟹肉釀蟹蓋
好食之選!
芝士夠 蟹肉量都唔少 兩者又幾match 類似菜式以前都係食放題有得叫芝士焗蠔 蟹肉配搭好似唔係好多有 配蟹肉口感好過芝士焗蠔
呢道菜share食好啲 因為沒有好事成雙(份量) 不過後來見到成個餐既份量咁多 我諗呢度就算多一份蟹蓋都可能食唔哂其他野
差啲唔記得 仲有些少三文魚子伴碟 好睇啲又豐富啲
蟹の雜炊
淨係食海鮮可能多多都唔夠飽 有埋呢樣就唔怕 我估係蟹粥黎 不過就一啲都唔稀 質感有似risotto 幾開胃
話明蟹宴當然唔少得蟹肉 蟹肉量都唔少下 咪以為得幾啖粥 其實鍋底都幾深下 對大部份人黎講都好夠食
甜品
餐牌無講明跟咩甜品 到上枱先介紹係焙茶布丁 仲有啲棉花糖跟面
焙茶味雪糕偶然都會食 做成布丁就第一次試 都幾唔錯下 鍾意茶口味朋友可以一試 不過我就唔確定跟餐甜品係咪會經常有新主意 大家點餐不妨先問下
份量雖然唔係好多 不過食完正餐蟹宴有份哪怕少少既甜品做closing 感覺更有set果種完整感 成個餐既食物質量我會打佢水準以上
張貼
