蘇山雞飯

營業中

休息中

今日晏晝我就試下，呢個比較特別嘅椰漿飯，我不平時就自己好少食椰漿飯嘅，因為覺得啲飯黐笠笠，如果夾埋啲椰漿會更加黏結，會好奇怪。不過今餐既食飯體驗就出乎我意料之外。咁就嗌咗呢個巴東牛肉椰漿飯同蘇珊雞翼3隻。個椰漿飯算都係黏結，但係個甜到啱啱好，食落有椰香味，唔會太難落肚，而且非牛肉煮到好入味，咬落都能淋唔會好難咬。個雞翼更加出色，上咗碟就聞到好香，啲雞翼咬落口好酥脆，味道好惹味，啲雞肉亦都好嫩滑，唔會黐住曬啲骨頭，而且份量夠曬大隻。服務方面其實都唔錯，嗌嘢食之後上枱嘅速度都好快。