影片
更多
2022-11-01
22 瀏覽
JUST'er Bar & Restaurant📍尖沙咀山林道13號地下A1-A2號舖萬聖節同朋友去咗尖沙咀感受氣氛，我哋玩之前book咗呢間最近好多人介紹嘅餐廳嚟食，佢最出名就係一大盤嘅，等我又嚟試下睇下有無辦法KO晒佢先！溫馨提示，每人最低消費係$200，另外，店舖座位唔多，如果想確保有得食，大家記得要提前訂位啦！ 💰$445門西淋牛豬仁雞 VS 蝦兵蟹將 🍽️*焗多汁豬仔骨 / 脆炸美國魚柳 / 美國安格斯西冷*焗多汁豬仔骨 🐖 豬仔骨的確好多汁，肉質亦好淋身唔會咬到牙軟，但脂肪肥膏都比較多，怕肥人士要小心選擇！我哋都好鍾意佢嘅醬汁，焗完之後勁有焦香感，大推！多汁淫蝦 🦞呢個名真係搞佢唔掂，但聽聞係由漫畫中攞靈感，所以都幾搞笑。佢的而且確係好多汁，龍蝦肉唔會爛，感覺都幾新鮮，而且兩邊都好多膏，用嚟撈意粉或龍蝦肉嚟食都正到爆！慢煮蒜香春雞 (半隻) 🐓燒春雞個面嘅蒜烤得好乾，本來以為啲肉會好乾好柴，但出奇地切落去爆多汁，雞肉無論係雞胸位置，定雞髀雞翼位都非常嫩滑，相信係因為佢係慢煮嘅原因！佢亦都有少少孜然味，非常惹味！炸軟殻蟹 🦀由於隻炸軟殼蟹放咗喺底，吸晒幾款肉類嘅汁，所以有少少淋
📍尖沙咀山林道13號地下A1-A2號舖
萬聖節同朋友去咗尖沙咀感受氣氛，我哋玩之前book咗呢間最近好多人介紹嘅餐廳嚟食，佢最出名就係一大盤嘅，等我又嚟試下睇下有無辦法KO晒佢先！溫馨提示，每人最低消費係$200，另外，店舖座位唔多，如果想確保有得食，大家記得要提前訂位啦！
[價錢 Price]
💰$445
門西淋牛豬仁雞 VS 蝦兵蟹將 🍽️
*焗多汁豬仔骨 / 脆炸美國魚柳 / 美國安格斯西冷*
焗多汁豬仔骨 🐖
豬仔骨的確好多汁，肉質亦好淋身唔會咬到牙軟，但脂肪肥膏都比較多，怕肥人士要小心選擇！我哋都好鍾意佢嘅醬汁，焗完之後勁有焦香感，大推！
多汁淫蝦 🦞
呢個名真係搞佢唔掂，但聽聞係由漫畫中攞靈感，所以都幾搞笑。佢的而且確係好多汁，龍蝦肉唔會爛，感覺都幾新鮮，而且兩邊都好多膏，用嚟撈意粉或龍蝦肉嚟食都正到爆！
慢煮蒜香春雞 (半隻) 🐓
燒春雞個面嘅蒜烤得好乾，本來以為啲肉會好乾好柴，但出奇地切落去爆多汁，雞肉無論係雞胸位置，定雞髀雞翼位都非常嫩滑，相信係因為佢係慢煮嘅原因！佢亦都有少少孜然味，非常惹味！
炸軟殻蟹 🦀
由於隻炸軟殼蟹放咗喺底，吸晒幾款肉類嘅汁，所以有少少淋咗，但個味道係正嘅，蟹肉比較薄，我成碟最鍾意就係呢樣！
*啤酒薯條 / 蕃茄汁意粉 (二選一)*
我哋唔想叫咁多炸嘢，所以就冇試到佢嘅啤酒薯條，反而叫咗比較少人叫嘅蕃茄汁意粉。
蕃茄汁意粉 🍝
平時我係好少食紅汁意粉，因為我多數會食白汁，但呢個番茄汁意粉略帶少少酸味，食落去好開胃，而且唔會煮到爛蓉蓉，所以個人覺得幾好食。唯一要扣少少分嘅位就係佢放咗喺呢個板上面，啲食物比較快凍，所以食到最後意粉係凍晒，但味道係好嘅！
[價錢 Price]
💰$45
蜜糖柚子沙冰 🍯🍊🍧
呢杯沙冰好清新，雖然外貌唔係太適合打卡，普普通通，但蜜糖同柚子味都好出，沙冰都打得好幼細，食完咁多肉之後飲就特別清新！
[價錢 Price]
💰$47
海鹽櫻花奶昔 🌸🥛
呢杯奶昔其貌不揚，我同朋友都覺得佢好似沙灘嘅沙咁！但唔好睇佢個樣咁差，飲落有淡淡的櫻花味，奶味越飲就越出。佢雖然無話係沙冰，但係都有飲沙冰嘅感覺，朋友話佢鍾意呢一種唔係咁creamy同rich嘅奶昔，想試吓特別嘢嘅，可以叫呢杯！
張貼
