炊豕店 (加路連山道) (已結業)

又黎到銅鑼灣，行到去利園附近旁既小徑，見到有好多餐廳，而其中一間大排長龍，咁就試下依間台灣野。店鋪選擇唔多，但係貴精不貴多，主打秘製豬扒。FIF同友人各叫左一碗秘製豬扒(肉燥汁)撈粗另加厚切午餐肉，同一份焗豬扒煎蛋飯，仲有兩枝蘋果汁。秘製豬扒真係大個我塊面，炸粉完全唔厚，非常甘香，豬扒咬口鬆化，一啲筋都無。厚切午餐肉真係世界好食既午餐肉，鍾情於午餐肉既你一定要試下啊!焗豬扒煎蛋飯流心蛋配上蕃茄汁秘製豬扒，無得頂! 份量十分之多，建議叫少飯。價錢十分合理!