南瀛水產

約左朋友放工去尖沙咀食飯，又係我上OpenRice 搵吓食咩好嘅時候😂 南瀛水產有磯燒海鮮同甲羅燒😍😍😍 身為海鮮愛好者嘅我冇理由唔去會一會佢7點都未到就已經坐到半滿，餐廳都幾大又唔會迫，坐得好舒服。日式裝修好有居酒屋嘅感覺，仲可以睇到生猛海鮮。落完單啲野食就一樣一樣咁送到嚟🤤🍀海鮮沙律 ($78)有粒粒三文魚同油甘魚刺身，沙律菜好爽脆，個醋分量岩岩好，酸酸地非常開胃！👍🍀東瀛五點盛 ($368)5款刺身，件件厚切！🤤淺粉紅色嘅拖羅，油香十足！三文魚同油甘魚啖啖肉，好肥美！甜蝦同帶子都好新鮮🍀南瀛卷 ($256)用蟹肉卷疊高，吞拿魚蓉同海膽擺到好似係山上面流落黎，中間放隻牡丹蝦，再加上好多飛魚籽係個碟，好澎湃！🤤海膽都幾鮮甜，吞拿魚蓉加埋芝麻之後，食落口好香😋🍀活貝盛合 ($388)一路食一路聞到其他枱傳嚟嘅香味，已經流晒口水🤤🤤🤤 終於到我地啦!!! 店員會幫手燒，我地淨係坐係度等食啲海鮮燒到岩岩好，肉質好嫩，仲幫我地將鮑魚同帆立貝剪做細細舊，方便我地食👍手掌咁大隻嘅蠔，好creamy!!! 店員燒蜆果陣仲會加清酒，蜆肉又滑又甜🤤🍀蚧味噌甲羅燒 ($136)粒粒蟹籽，勁香勁惹味😋，見