釜之魂釜飯專門店 (淘大商場) (已結業)

今日經過九龍灣，去咗釜飯專門店。釜飯係香港相對少見。 去到門口，喺以木製為主，幾符合釜飯嘅主題。 進內環境寬敞，坐得舒服。我哋叫咗2 款比較多人推介嘅釜飯。 👀金魂鰻魚釜飯 $138燒汁唔會太鹹或太濃。鰻魚有一大塊，大過我嘅手掌，而且肉質偏有彈性，外表帶點膠質感。 底下鋪咗蛋絲，增加口感。仲有經濟之選，「特」$88(最焦香)同埋「極」$98(油份最高)。🐽原條豬軟骨釜飯$78豬軟骨比較大件，筋嘅膠質幾突出。雖然鰻魚同豬軟骨大大件，幾抵食，但係飯粒有改善空間。其實枱面上有指示教點樣可以食到軟飯同硬飯，但係2 碗釜飯始終係偏硬，🙈少咁啲粘糯口感，差咁啲飯香。 🍌髒髒炸香蕉$22有驚喜， 雖然外皮髒髒，唔太吸引，以為入面係炸香蕉，但食落係香蕉糕，口感軟糯煙韌。可能係我哋本身對釜飯有所期望，釜飯質素剛剛過關。或許串燒甜品會好啲 ，至少炸香蕉係值得一試。 另外，喺平日夜晚繁忙時段，有少部分店員服務態度有待改善，同埋等候落單需時。