一鳴拉麵

營業中

休息中

去大埔墟買屋企野，行到過去突然之間見肚餓，天氣又熱食啲濕濕地野就最好。本來想去食牛腩麵，但見到對面行仔有一間門面好靚嘅拉麵，見到原來都好多推薦喎， 咁就一於入去試吓。拉麵湯底都會有四款，我自己鍾意食辣就叫咗焰鳴。今日佢嘅限定湯底係芫荽豬骨濃湯加帶子，應該都會幾特別，不過第一次都係試咗佢個辣底先，另外叫咗幾串串燒過下口癮。佢嘅拉麵都有兩款揀有直面同曲面，見湯底係豬骨湯所以揀咗直面普通軟，冇咁heavy。配料就揀咗豬軟骨，啖啖肉應該好正。辣度方面我咁食得辣梗係揀三辛！拉麵一到，睇個樣都已經相當驚喜！好多櫻花蝦，一定好香口。試一啖湯先，味道真係好濃郁，配爽口嘅直面簡直無敵！豬軟骨夠大件又入味，雞蛋流心。重點係佢個辣醬，肉碎夠多又夠辣！食到出晒汗個感覺相當之爽。食完個面，串燒到汁燒牛舌睇得見咁juicy,牛肉味又香濃，果然係人氣之選！大蔥串燒竟然充滿牛油味，好香，有驚喜！墨魚咀選用左汁燒，好少見，冇平時咁乾身，保留返墨魚鮮味。鹽燒雞軟骨，做得好香口，加埋七味粉夠晒邪惡！估唔到大埔都有咁出色嘅拉麵小店！下次試吓佢個限定湯底先。