三多

營業中

休息中

平時去三多都係食雞髀，依家開始食雞翼，因為食雞髀會好飽。一向都係總店最好食，所以我哋點都會去到大埔墟呢一間三多雞髀食，而且出面又可以俾你自由泊車，附近仲要有個公廁，所以好方便，不過而家多咗室內坐低食，平時就要喺出面嘅巷仔坐低食，出面就比較熱啲。今次嚟到反而佢有好多新產品推出，仲有好多唔同種類嘅糖水，不過我覺得最好飲嘅係佢新出嘅飲品，今次叫咗個蜂蜜綠茶試吓，上面有一層泡泡，而且飲落去下面仲有啲蒟蒻，切開咗一條條，不過我覺得可以切得再細粒啲，因為用飲筒飲唔到，但味道好有綠茶濃味道，好好飲啊，消暑由解渴！三多雞翼我哋就叫咗一份係炸，一份係滷水，每一盒都有兩隻，於是我哋一人食一隻，總覺得滷水雞翼比炸雞翼好食啲，可能炸雞翼太熱氣了，不過整體來講佢哋都keep到水準好食！