三多

營業中

休息中

Hello 大家好👋🏻！今日我嚟到位於大埔嘅「三多炸髀」， 一間香港出名嘅炸雞髀。 正所謂： 閑時去踩下單車，肚餓都唔洗驚青！ 同朋友一齊踩單車入大埔， 一定要去朝一朝聖。美食攻略：今次同大家分享一下佢哋嘅生炸大雞髀， 我知！已經好多人分享過呀嘛，但係好嘢怕咩講得多。 日日提住都唔會厭啦。 話明生炸時間上真係要等，明知係好嘢又怕咩等， 熱辣辣脆卜卜嘅大雞髀，炸完之後又肉汁，配上調味粉，如果怕熱氣又有滷水雞髀任君選擇。 大埔嘅居民何其幸福呢🥰🥰🥰。美食指數：5🌝最高味道：🌝🌝🌝🌝🌚環境：🌝🌝🌜🌚🌚服務：🌝🌝🌜🌚🌚賣相：🌝🌝🌝🌜🌚

行開鐵路博物館經過三多但係佢未開門去完鐵路博物館一直念念不忘好想食結果都係未開鼓起勇氣問下佢可唔可以賣隻雞髀畀我可以好開心呀終於食到好出名嘅三多炸肶本身驚中伏但覺得好好食好香口又唔會太鹹好多肉汁好正唔駛五分鐘就ko咗成隻比真係幾好食有機會經過呢間鋪頭都想再買多次唯一就係企喺度食緊附近好多蟻

食炸髀🍗唔食皮係對雞的唔尊重炸到好似薯片咁脆，肉嫩多汁的雞腿肉，見到都令人食指大動😍必食推介有炸髀同油髀呢2個邪惡孖寶，炸髀脆，油髀嫩，2個人一齊黎食，我就會話why not both小朋友才做選擇🤗

🍗🍗🍗之前去咗踩夜車～發現夜麻麻踩單車感覺都唔錯～冇烈日當空嘅陽光、又冇擠擁住人嘅單車徑，換來嘅係自由自在嘅感覺，又有一種黑夜遊歷嘅奇妙～🚴🏻‍♀️🚴🏼🚴🏻‍♂️俾我發現到一間好岩踩單車去食嘅小食店～➿➿➿🔸🔸🔸三多 (大埔)🔸🔸🔸大埔北盛街29A號地下➿➿➿呢間小食店都幾出名㗎～佢已經開咗幾間分店添㗎喇～究竟依間手小息食店點解咁出名呢？➿➿➿豬扒炒公仔麵🍝🍝🍝星星平時超級鍾意食豬扒炒公仔麵～基本上去茶餐廳必點的～個麵好夠鑊氣，食落真係香口～乾麵夠晒乾身加上唔油膩，保留到公仔麵嘅煙靭，襯埋個煎得恰到好處嘅豬扒～令星星食過返尋味～➿➿➿豉油皇炒腸粉🍲🍲🍲呢個炒腸粉真係超級好食～甜醬加豉油拎去炒真係一絕～有鑊氣得來又有少少趣脆口～而家打字諗返起都有啲掛住～➿➿➿豉油皇雞脾🍗🍗🍗雞髀夠晒入味，啖啖肉嘅豉油王雞髀，都係廿幾蚊，超適合用嚟充飢，食完即刻有力繼續踩落去～➿➿➿整體分數：7/10 🌟🌟🌟🌟🌟🌟🌟➿➿➿唔知大家有冇食過好味嘅小食店？留言話俾星星知～

係大埔行完山搵下有冇街頭小食🙈🙈 咁岩見到三多就係眼前🤩🤩 聽得就得多三多既大名 一直都無緣食到今次就試吓呢度的生炸雞髀🍗 由於疫情嚴重 唔敢周街食野決定買返屋企食😋😋 （安全為上🙌🏻）買左一辣一唔辣🙈 過下口癮-生炸雞髀 $32 呢度係即叫即炸 有得揀辣定唔辣我地等左大約10-15分鐘 就拎得😎 拎到返屋企 用氣炸鍋 翻一翻熱就食得雞髀用上麵包糠去炸 唔會好厚皮😆😆外皮酥脆 雞肉肉質多汁 唔會炸到骨肉分離 -👇🏻 原味雞髀 味道偏淡 唔會太鹹👍🏻-👇🏻而少辣口味都有啲辣🙈 但又能為雞髀口味更豐富🤤🤤🤤-🍽🍴總結 🍽🍴香脆可口的生炸雞髀確實係吸引 但個size 好似有啲細🙈 $32… 不太抵食 過下口癮都得既🙈店鋪仲有售賣其他的小炒小食

三多大家好呀，如果大家細個有睇過電視劇《真情》，應該聽過三多呢個名，但果個就係燒臘店😂😂，呢個係一間港式小食店黎既。位於太和既呢間食店係區內什至大埔及北區果邊都好有名，因為分店已經開至北區，但係總店就係呢間。今日乳豬就帶大家睇睇有咩咁出名又有咩驚喜比到大家🤗🤗今次乳豬我就叫左三樣野食，分別係豬扒炒公仔麵、豉油雞脾、同豉油皇炒腸粉。豬扒炒公仔麵先講炒公仔麵，絕對係呢到既皇牌之一，無論你叫肥牛定豬扒都無問題，因為個主角係個麵！！個麵同外面食到既最大分別就係個鑊氣，礙於現時社會環境，夜晚只好叫外賣食，當日乳豬同一班朋友踩單車，買完後踩車到公園坐低先開餐，中間都過左十分鐘左右，但個麵完全無影響，一打開個盒濃濃既香氣鑊氣滲入鼻哥，個麵十分乾身且唔油膩，同一般茶記既真係唔同，因為有好多間都用好多油去炒，出黎就食到成口油，但三多就唔係，完全乾身，口感「煙靭」唔係「林」既，咬落去有唔漿口。而豬扒煎得金香，咬落去鬆化唔痴牙，一流。絕對平凡菜式中不平凡。推介指數：🐽🐽🐽🐽豉油皇雞脾因為乳豬牙齒近來有啲問題，所以無叫到必食名物炸雞脾😂😂😂😅😅，取而代之叫左油脾，呢隻脾絕對係抵食，性價比係好底，大大隻脾都只不

呢間相信大家都唔陌生嫁啦，我就第一次食….😐我就覺得名過於實啦，可能係期望太高啦。🐒招牌炸雞髀💰$30叫完之後等左5分鐘左右就拎得，有得揀辣度，我地揀左小辣🌶熱辣辣食啲肉汁都好多，但係就唔係好入味同埋都偏肥，咬左皮既話肉既份量都唔係話好多，試過一次就夠啦！

特登去太和店食炸髀 點知一個客都沒有 一踏入門口 服務員已經一點笑容都沒有 特別是女服務員 好像欠了她錢一樣 黑口黑面🙄 竟然唔想d客落養先叫了炸髀 再問她加汽水幾錢 聽到她說3蚊便點了一罐可樂 到買單的時候竟收我10蚊 一罐可口可樂竟然收10蚊😰😰😰 太恐怖了真的沒想像過這一間如此普通的店竟收得這麼昂貴 我以為自己去了酒吧飲汽水炸髀沒有傳說中咁好味 皮太硬 又細隻 性價比超低下次都不再光顧 比錢買難受呀😩😩😩

同男朋友Book左間餐廳但未夠鐘食dinner又想搵啲野過下口癮醒起附近有間三多男朋友話之前食過佢既滷水髀今次想試埋佢既炸髀————————————-三多炸髀 （$30）拎上手新鮮熱辣辣 外皮係加左麵包糠一齊炸唔係單純炸雞皮既口感外皮金黃香脆雞肉都保持到肉汁肉質都算得上係嫩滑但食落味道偏淡感覺醃得唔係太入味同埋男朋友話覺得雞髀比以前細隻——————————————————鋪頭生意唔錯一路枕住見有人落單等外賣個人覺得路過食下都無妨拎黎做宵夜的確係幾爽特登專程黎食就不必喇

Unbeatable fried chicken from 三多(Taipo/ Yuen Long) crispy skin & sooo juicy inside, I especially like their chilli powder too🤤😋also had the stir fried beef & instant noodles, not bad too. Noodles were perfectly cooked👍👍

講起雞脾一定會提到三多炸脾 🤩賣雞脾賣到街知巷聞，未食過都應該聽過呢個朵。—————————————————📍生炸雞脾 (9/10)🐓雞脾即叫即炸，新鮮熱辣，而且非常大隻。炸粉只係薄薄上一層，外面炸到又香又脆，裏面雞肉依然嫩滑多汁🍗每啖咬落去都聽到「查查」聲非常過癮，而肉汁亦不停係結實既雞肉之中流出黎😋雞脾有BB/小/中/大辣提供，都係炸好撒上辣粉🌶。唔係好食得辣叫BB辣已經好夠，微微刺激味蕾，提升雞脾既味道👅

-😍😍😍三多炸脾其實都唔洗多作介紹啦⋯鮮！嫩！脆！今次系第一次食大埔總店😍雖然系叫外賣 但送到朋友屋企門口打開切開依然都系 鮮！嫩！脆！好juicy好好味😋👍🏼

好耐冇食過三多炸髀😋 今日咁啱喺外賣app見到佢地做緊滿$80八折優惠，就心思思買咗嚟食。今日隻炸髀炸得好似唔係幾夠喉，火力可能差咁啲🥲 不過平時食會深色啲，啲皮脆啲🥲 今日呢隻個皮完全唔脆，仲濕濕哋咁，有啲失望🥲另外仲嗌咗豬頸肉炒公仔麵，公仔麵調味唔錯，唔會死咸，豬頸肉份量都幾多，不過麵如果再乾身啲就好啦。之前都試過晏晝食呢間，覺得普遍晏晝嘅水準都冇夜晚咁高🤔 下次都係留返quota夜晚食好啲😂

三多炸雞髀係我愛嘅雞髀，每次入大埔都必食。三十幾蚊大大隻，仲要外皮炸到金黃色，勁香勁脆，最重要係炸完唔會破壞到雞肉組織，肉質依然嫩滑，保留到雞肉汁，每次黎都起碼食兩隻先走。不過今日呢隻好似比之前差咗少少，雞髀冇之前咁大隻，起碼細咗一個碼。而且外皮炸到頗為乾身，不過好彩裡面肉質都keep到嫩滑。希望今次只係一時失手，下次再黎期待食返之前咁高質。順帶一提，呢到有辣粉提供， 沈少少上雞髀面會變得超級惹味。

三多最出名就係佢嘅炸雞脾想試好耐終於有機會食到喇生炸嘅關係 所以買完都係要等等左10分鐘就有得食喇真係好大隻炸完之後雞皮係索索聲勁脆雞肉超嫩滑 又Juicy雖然唔係平 30蚊隻 但係都值嘅