Ocio (積存街) (已結業)

因為佢個餐牌吸引左我入去，點知中左伏。叫左2個晚餐： 是日餐湯 (磨菇湯)，1個加 $10 變酥皮湯，另1個加 $20 變龍蝦酥皮湯 - 磨菇湯係好香好濃郁，但龍蝦湯偏酸，又得一粒龍蝦仔肉，加 $20 實在太多。 芝士薯蓉焗田螺酥皮盒 - 唔夠熱，酥皮淋晒，刀都切唔開，同埋食唔到芝士味。 巴馬火腿沙律 - 巴馬火腿只得一小塊，沙律菜唔夠新鮮。 一口和牛牛乾菌意大利飯 - 夠晒大碟，亦好重牛乾菌菌味，不過和牛無牛味。 酥皮焗菠菜挪威三文魚配蟹餅 - 本身期望好高，食完真係非常失望！ 酥皮同樣淋晒，而三文魚實在太厚太大塊，所以好「鞋」，加上佢係無配任何汁 (只提供了一塊檸檬)，除左中間夾左少少菠菜中和下，根本係好乾好漏！食左幾啖已經唔想再食。 是日甜品 (桂花荔枝奶凍) - 係成晚唯一可取的食物，桂花味香，荔枝配上奶凍感覺好清新。