271
51
26
港鐵大圍站 A 出口, 步行約6分鐘 繼續閱讀
所有分店 (3)
電話號碼
23850028
營業時間
今日營業
11:30 - 22:30
星期一至日
11:30 - 22:30
付款方式
現金
其他資料
網上訂座
切餅費
電話訂座
賞訂座積分
有關獎賞計劃
食評 (370)
跟鄰居繼續每月一約 見一見吹一吹水 開開心心又一日 以往差不多每個月都相約係九龍區相聚 今次就來點特別 一於來個新界區聚會 來到大圍搵食 當然要搵間有格調既 鄰居介紹呢間Ocio 室內裝潢帶點格調 不過枱與枱之間空間不算足夠 有點可惜餐牌選擇不少 價錢走平民化  簡簡單單點了全日窩夫早餐來主菜前先來餐湯 是粟米湯 都有淡淡粟米清甜味 不過不算濃郁 主菜上枱 新鮮熱哄哄 用料十足 有煙三文魚、炒蛋、雞扒、腸仔、茄汁豆、沙律菜同薯條製作是用心的  腸仔並不是坊間一般既廚師腸 食落肉汁豐富 沙律菜算新鮮 薯條夠香脆可口 窩夫外脆內軟 蛋香味重 呢個早餐確實不錯 鄰居點了醬燒柚子蜜豬仔骨早餐豬仔骨份量十足 賣相亦頗吸引 豬仔骨配上微辣燒汁 微辣之中帶點甜酸 開胃提鮮  不過略嫌豬仔骨質感有點硬 需要點牙力 套餐附送餐飲 點了伯爵紅茶同洋甘菊茶 其實都只是茶包沖調 沒有什麼特色可言 總括以全日早餐來說 價錢絕對取勝 不過質素就有待改善還可以encore再來試一下其他 繼續閱讀
(以上食評乃用戶個人意見 , 並不代表OpenRice之觀點。)
近期少咗去油尖旺食嘢行街,今次就試吓喺新界大圍搵嘢食😋 大圍其實都出名多Cafe,而呢一間ocio就位置喺積福街油站附近,喺火車站大概行10分鐘就會到達。話到明係Cafe所以佢哋嘅裝修都系比較簡潔,鋪頭骨子但係非常企理係繁忙時間更加係座無虛席👍🏽餐牌美食豐富睇到花多眼亂,雙眼望望隔離枱客人食乜🤪😂 發現樣樣都非常之大碟而且賣相非常之正,就咁睇已經流晒口水。最後就揀咗兩個set dinner 🍽 餐飲方便就叫咗跟餐唔使再加錢的檸檬茶(若果大家再加$15嘅仲可以選擇其他款式嘅特飲)落左單之後侍應就會送上是日餐湯以及包點😜南瓜湯入邊有豐富嘅南瓜蓉👍🏽✅ 香煎挪威鮮三文魚配刁草檸檬汁三文魚煎得十分香脆,火候啱啱好。✅ 香烤美國prime肉眼配薯菜肉眼扒係五成熟,厚度適中肉質均勻。最後其實我哋已經食到好飽所以冇特別加錢叫甜品🍮 不過見到餐牌其實有好多款式嘅甜品都搞到心郁郁!所以下次會再嚟試埋佢嘅甜品😊埋單每人大概$160,呢個價錢配這質素我覺得非常之合理😜—————————— 食物質素:7/10 環境衛生:7/10 舒適度:7/10 服務:8/10 性價比:8/10 總評分:7.4/10 ——————————#foodblogger #foodlover #foodie #hkfoodie #相機食先 #大圍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-01
281 瀏覽
有空當然要跟好朋友聚聚,這天下班去了大圍ocio, 跟朋友談心,吃午餐。餐廳氣氛不錯,店內的樓底很高,空間感不俗,枱也不算很多,所以很寬敞。.人愈大,相聚時間時間短,有機會出來,當然要食盡佢!首先就由湯開始,我同朋友是愛金荀之人,所以金荀忌廉湯就最適合不過,金荀很鮮甜,粒粒漲卜卜,湯頭口感濃郁綿密。.點了一個和牛漢堡包,牛肉煎得很香,厚切,外脆內軟,肉質鮮嫩,漢堡包也是看過的,因此麵包有香脆的底部,同時也吃到頂部的軟熟。美式漢堡包,精髓就是要夠厚,最好一口也咬不盡,這才算是豐富!這裡的漢堡,就正正做到這一點,比起那家大型美式連鎖快餐店,可說是完全不一樣呢!.芥末臘肉腸意粉意大利粉這種菜式很有趣,面要有口感,所以一定程度的黏度不能缺少,要有Al dente的質感。但在這個Al dente的狀態下,廚師也要確保味道不致於太膩,由其在加入醬汁後,很多餐廳的出品往往都造成失控。這裡的廚子,在煮面時,上述的character 都平衡得不錯,忌廉味香濃Creamy,配上芥末醬的配搭,還有香辣的辣肉腸的味道點綴,味道層次十分豐富。.接下來也點了芒果沙冰及荔枝沙冰❗️砂冰質感夠綿密,不會咬到一粒粒碎冰,而且入口即溶,鮮甜的果味亦隨即在口腔內散發,確是炎炎夏日的消暑良品! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-27
300 瀏覽
與好友二人到大圍來個小小的遠足,那是向望夫石的方向,遠足前當然來個午餐。進入這餐廳,曾是多位好友介紹的,今天來到大圍的分店。餐廳雖不太大,約可坐十五人左右,牆上掛不錯的燈飾,以及美食介紹。店員送上餐牌,選擇也很多,選擇了兩份午餐。是日餐湯,是橙色的南瓜湯,香香的南瓜味,卻沒有南瓜的草青味,不太喜歡南瓜的草青味的我,很滿意這個南瓜湯。忌廉菠菜蟹肉意大利飯,送上時已陣陣菠菜香氣,朋友說是濃厚的菠菜味,忌廉汁令菠菜不會太乾,令軟軟的意大利飯沾滿菠菜香味,愛吃蔬菜的好友雖不常吃菠菜,也被吸引了。刁草汁煎挪威三文魚扒配意粉,送上時魚油香十足,雖不知什麼是刁草汁,吃著厚厚的三文魚扒沒半點腥味,而且還帶出三文魚的魚肉香,令魚扒味道更為豐富。意粉較粗的一種,口感軟硬適中,很有咀嚼感,非常喜愛這個口感。熱咖啡,烘焙度較低,還帶點天然甜味。檸檬薑茶,雖是英式茶包,配搭上也不錯。雖只是午餐,可是味道卻不馬虎了事,有著自己的風格及美味,可見好友的介紹不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-20
197 瀏覽
一行二人去大圍搵野食,唔多想食中餐,行行下俾我見到呢間ocio。西式小店,環境佈置好ok,朋友又想食甜品,就決定一試。餐牌有單叫亦有set dinner。西餐平均價位,見周圍都多人係叫set,我地亦叫左兩個set。先上餐湯同餐飽。餐飽軟身,唔硬亦唔涷,外層有少少烤過既脆,裡面好軟。出乎意料地好味!餐湯南瓜湯,有南瓜蓉,唔錯。第一個係8號餐香煎三文魚配刁草檸檬汁($108)。三文魚排全塊上,幾大份,煎得相當香口。檸檬汁可配可不配,點左汁既話會清潔好多。因為佢都幾大份,食到最後可能有點膩,去到後面先點汁食會更好。配菜仲有沙律同薯條,水平不過不失。第二個係5號餐黑松露意大利飯配煙肉帶子串($108)。比較推薦呢個,意大利飯夠sticky,黑松露味亦好濃郁。總共兩串共六隻帶子,個人覺得好好食(燒帶子真係好難唔好食)!飲品方面叫左cappuccino。泡多,咖啡味唔係話好濃,水平中等。朋友既蜜桃紅茶。甜品心太軟,非常流心!內裡全是朱古力,無花巧,心太軟配上雪糕永遠係治癒既味道。晚餐兩人埋單300幾,係一間環境ok,可以坐得耐傾計,野食亦唔錯既餐廳之選。 繼續閱讀
(以上食評乃用戶個人意見 , 並不代表OpenRice之觀點。)