影片
更多
2022-09-09
16 瀏覽
中秋節前夕公司早放，同同事一齊搭東鐵過海段去大圍掃街，會展站過去都唔洗半個鐘，同事推介我試下呢間屹立多年既老店，一於買返屋企當晚飯啦❤️狗仔粉 (小$35; 大$45)呢款狗仔粉係人氣推介，店員好細心地將湯同粉分開上，咁就唔怕浸到啲粉腍哂啦，麵條煮到剛剛好，湯底好清甜，有冬菇、肉碎、蒜蓉同蔥等配料，非常滋味串燒方面即叫即燒，推介豬頸肉😋😍味道方面更多達八款: 孜然、七味、黑椒、香茅、辣椒、川椒、咖喱、沙嗲同蜜糖，真係「有辣有唔辣，任君選擇」❤️串燒豬頸肉 ($18/串; $30/2串)串燒豬頸肉都係三十蚊兩串，一於叫兩串返屋企唔洗爭食，燒到少少燶邊好香口，肉質爽口又juicy，推介❤️椒鹽炸燒賣 ($12)椒鹽炸燒賣口感外脆內軟，煙韌有嚼勁，夠哂香口，正❤️港式炸大腸 ($15)好少係出面食炸大腸串燒，見到咁多好評望落都幾乾淨所以就叫左一串試下，外酥裡面帶煙韌，可以加埋甜醬同芥辣一齊食，好邪惡啊~❤️正宗古法臭豆腐 ($15件)傳統既臭豆腐真係買少見少，記得以前去太子個邊成條街都係臭豆腐味，近年呢款街頭小食逐漸式微，同事推介我話佢地既臭豆腐真係好好食，一於跟佢試下先，聞落雖然幾臭，但食落好真係幾
中秋節前夕公司早放，同同事一齊搭東鐵過海段去大圍掃街，會展站過去都唔洗半個鐘，同事推介我試下呢間屹立多年既老店，一於買返屋企當晚飯啦
❤️狗仔粉 (小$35; 大$45)
呢款狗仔粉係人氣推介，店員好細心地將湯同粉分開上，咁就唔怕浸到啲粉腍哂啦，麵條煮到剛剛好，湯底好清甜，有冬菇、肉碎、蒜蓉同蔥等配料，非常滋味
串燒方面即叫即燒，推介豬頸肉😋😍味道方面更多達八款: 孜然、七味、黑椒、香茅、辣椒、川椒、咖喱、沙嗲同蜜糖，真係「有辣有唔辣，任君選擇」
❤️串燒豬頸肉 ($18/串; $30/2串)
串燒豬頸肉都係三十蚊兩串，一於叫兩串返屋企唔洗爭食，燒到少少燶邊好香口，肉質爽口又juicy，推介
❤️椒鹽炸燒賣 ($12)
椒鹽炸燒賣口感外脆內軟，煙韌有嚼勁，夠哂香口，正
❤️港式炸大腸 ($15)
好少係出面食炸大腸串燒，見到咁多好評望落都幾乾淨所以就叫左一串試下，外酥裡面帶煙韌，可以加埋甜醬同芥辣一齊食，好邪惡啊~
❤️正宗古法臭豆腐 ($15件)
傳統既臭豆腐真係買少見少，記得以前去太子個邊成條街都係臭豆腐味，近年呢款街頭小食逐漸式微，同事推介我話佢地既臭豆腐真係好好食，一於跟佢試下先，聞落雖然幾臭，但食落好真係幾好食，炸到金黃色既豆腐外脆內軟，建議配埋甜醬一齊食就最perfect
❤️魚肉碗仔翅 (細$28; 大$45)
講起街頭小食點少得碗仔翅呢，又想食魚肉又想食碗仔翅點算好? Why not both? 一次過試哂兩款，魚肉真材實料唔會腥又冇骨，岩哂我呢啲怕食魚骨既人，口感爽口彈牙，碗仔翅都好夠味唔會太鹹，正
❤️韮菜豬紅豬腸 ($35)
店員推介我一定要試下佢地既韮菜豬紅豬腸，豬腸處理得好乾淨唔會有羶味，豬紅好滑溜啱哂我，配埋胡椒湯底就perfect💯
❤️炸雞髀
中秋節要同屋企人食盡啲，叫左個超邪惡生炸雞髀，熱辣辣既雞髀外脆內軟，雞肉嫩滑多汁，必食推介
❤️煎釀三寶 ($20/5件)
煎釀三寶佢地都有好多款，豆腐超大舊 (大過我拳頭👊)廿蚊有五件超抵，執多幾款返屋企同家人開心share，有茄子🍆青椒🫑紅腸、尖椒，食得辣既朋友要試下佢地自家製既辣菜甫餃，辣菜甫係全人手切粒，誠意之作，估唔到佢地連煎釀西蘭花都有，好特別，鯪魚肉好彈牙，正😚😁
❤️魚蛋、燒賣
講到街頭小食點少得魚蛋同燒賣呢，疫情之下少左係街篤魚蛋，每款叫10粒有個盒夠哂衛生，陳皮魚蛋好足料，魚味香濃好彈牙，燒賣好煙韌有嚼勁，配埋燒賣豉油大滿足😌
張貼
