鼎王麻辣鍋 (金巴利道) (已結業)

之前去台灣嘅時候，已經好想食鼎王，但因為行程唔順路而放棄左。好開心可以喺香港食到😁朋友book定位係爽嘅，唔駛等位可直入。黎到第一印象係裝修簡約、空間感闊落，設計好細緻，好多貼心位方便食客。店員先替我地落左個湯底，我地揀左鴛央鍋，可以一次過試曬鴨血麻辣湯底同酸菜白肉鍋😋鴨血、豆腐、酸菜可以任意添食，淨食呢d都飽左半肚。我地嗌左小酸小辣，之後覺得可以食辣d，又可以加，唔錯。鴨血(鍋底配料):超正，大舊滑身實浄，最緊要無血腥味豆腐(鍋底配料)較硬身，索曬個湯底，好味又健康。上選牛小排：賣相好靚仔又大分，店員提示我地烚4-6秒，入口香濃牛味，有咬口，油脂較少，索埋個湯底好正。桂花蚌：好新鮮爽脆，值得推介！黃金豆鈴卷：層層薄脆，有豆香，唔油腻。一烚夾起，保留外淋內脆，好味！總結鐘意食麻辣鴨血嘅一定要一試，亦好欣賞餐廳嘅員工貼心有禮。重要喺非常時期，清潔消毒做得好好，希望其他餐廳都一齊做好d，令食客食得放心又安心，大家一齊加油💪🏼