響 - Hibiki 日本燒肉 (已結業)

第一次到這餐廳，裝潢OK， 一入門口已經見到各式各樣的雪糕都幾吸精架。晚市放題有好多款燒肉、刺身和熟食選擇。我地首先試左澳洲和牛胸腹，入口肉質偏林，脂肪都比較平均，入口即溶，佢另外有岩鹽和黑椒的調味俾我地選擇，    我地覺得配岩鹽食，味道最夾。澳洲和牛肉眼都係脂肪平均和入口即溶架。之後我地試左澳洲和牛西冷，肉味重，配黑椒調味，一齊食就一流。至於米澤三元豚西冷，肉味重和好有口感，喜歡辣的話，可配五味粉一齊食。我地都有食刺身，海膽和蠔都新鮮。亦有三文魚、帶子、北寄貝的刺身選擇。另外，燒物 – 我地食左燒蝦，都好大隻同鮮甜。但蟹腳就一般般，因為無乜味道。最點推介係燒菠蘿，D菠蘿係超甜同好juicy 。如果大家都愛飲酒的話，呢到都多選擇架。有紅白酒，梅酒、仲有清酒TIM。清酒我覺得最好飲係柚子清酒，佢比較香柚子味，雖然有D酸，但岩哂係食完燒肉之後飲，開胃消滯。甜甜地，女仔易入口。至於榴槤愛好者，可以試下佢GE炸榴槤和榴槤Gelato。炸榴槤係連麻糬一齊GE，好香口感好QQ，味道出奇地配合。榴槤Gelato好夠榴槤味，但味道偏甜。而愛好甜點的人，就會覺得甜度剛剛好。