Café Sausalito

營業中

休息中

鍾意食bagel既人一定要黎呢間Café Sausalito試下😍之前就係因為見到好多人推薦佢地既牛肉bagel，比啲相吸引左黎試，試完之後果然冇令我失望！呢度既裝修係行工業水泥風，都幾特別，灰灰既牆身、細細既店面，無論食物定環境都好適合打卡！除左bagel之外，呢度仲有其他toast、沙律、意粉可以選擇，同埋呢度既咖啡好似都唔錯，見到佢地有好多款唔同產地既咖啡賣，對咖啡有啲研究既都可以黎試下。1️⃣芝士牛肉麵包團（$68） Bagel係脆身既，口感煙韌帶嚼勁，面頭撒左啲芝麻，令佢更加香。Bagel上下兩塊都有芝士🧀️芝士味道好香濃但係唔膩，牛肉份量好多，係肥牛黎既，入面仲有啲洋蔥，味道有啲似平時日式汁燒牛肉既味道，醬油香再帶啲蜜糖香🤤好入味😋  2⃣️蘑菇熔岩（$82）超多芝士🥰滿滿既熔岩芝士，芝士質感偏結身。上面有切片既蘑菇同埋火箭菜。多士烘得好脆身，切好之後一下掃落啲芝士到既時候有種食芝士火鍋既感覺🤭勁邪惡但係勁滿足😌不過食多左會感覺有少少單調有少少膩，同埋芝士食耐左之後會有啲擎住左。