大中華飯店 (已搬遷) 新店位置

今日又係一年一度大佬出bonus請食飯既日子，我地一班人，就同舊年一樣都係食大中華。基本上大中華就係本地小菜，不過都相當之有特色。每年我地都會叫返呢幾樣佢地既招牌菜。每次黎大中華佢個場都好爆，基本上多人既話最好就book枱。我地年年都會叫既雞同埋豬手，隻雞真係好好食，熱辣辣。D肉每次都可以keep到好嫩好滑，個雞又好夠味，就算唔點佢個汁都好好食。豬手又係另一樣必點架，鐵板上，加埋佢個好香既黑椒汁，感覺有小小似食緊fusion菜。豬手肉比較彈牙，連埋有皮既位置食口感一流！另一個必點既就係撈起，呢度既撈起係我食過既最好味。因為佢超足料，有勁多三文魚刺身，入面有d脆脆，令到成個口感好豐富，而家講起都仲好回味。大佬請食飯有乳豬基本啦！估唔到平民小菜餐廳都可以做到酒樓味道，正！另外仲叫左好多其他小菜，例如薯仔牛柳粒，咕嚕肉，炒蜆，全部都合格有餘架！