869
58
41
等級1
1
0
2021-02-16 424 瀏覽
之前就聽過呢間係黃店,一直都想嚟支持吓,但結果令人太過失望。食物方面:食咗個個鰻魚茶漬飯,真係勁唔抵,細碗到好似跟餐嘅一碗細飯咁,4啖就食晒,但要$58蚊,一個成年人又點夠食呢?個餐牌上話呢個係主食,我覺得似小食就真。同埋價錢都太唔合理,我仲特登問店員 ”係唔俾錯咗” ....(我依家睇多次餐牌,唔見咗個鰻魚茶漬飯)個蛋捲入面都算多三文魚,但唔特別,啲餡得正中間先多,側邊就真係淨食蛋,個碟上面仲有蛋汁,明顯未煎熟晒,我以前出街食蛋捲都唔會有蛋汁。以一個$88蚊嘅蛋捲嚟講,味道方面唔值。個牛肉飯算係最值嘅,但牛肉整得唔夠淋,都幾難咬,洋蔥仲要得嗰幾條,同埋明顯係未熟透。真心,連吉野家都不如。服務方面:啱啱出電梯嘅時候都冇人嘅,咁正常就應該啲枱都執好啦,但我哋入去嘅時候見到有至少兩張枱未執。以一間咁細嘅食肆嚟講,兩個侍應都應付唔到咩?食咗咁耐,都唔覺佢哋特別忙。正常一間食肆,入到去都應該俾杯水/茶啦,但我哋坐到入去,點完餐,坐咗至少15分鐘都未俾杯水我哋,個侍應仲後知後覺,問我哋 “使唔使俾杯茶?” 我都真係呆咗。佢哋係用電子餐牌,係幾環保又方便嘅,但我哋點餐嘅時候,個網站上有一半食物都冇
更多
之前就聽過呢間係黃店,一直都想嚟支持吓,但結果令人太過失望。


食物方面:

食咗個個鰻魚茶漬飯,真係勁唔抵,細碗到好似跟餐嘅一碗細飯咁,4啖就食晒,但要$58蚊,一個成年人又點夠食呢?個餐牌上話呢個係主食,我覺得似小食就真。同埋價錢都太唔合理,我仲特登問店員 ”係唔俾錯咗” ....
(我依家睇多次餐牌,唔見咗個鰻魚茶漬飯)

個蛋捲入面都算多三文魚,但唔特別,啲餡得正中間先多,側邊就真係淨食蛋,個碟上面仲有蛋汁,明顯未煎熟晒,我以前出街食蛋捲都唔會有蛋汁。以一個$88蚊嘅蛋捲嚟講,味道方面唔值。


個牛肉飯算係最值嘅,但牛肉整得唔夠淋,都幾難咬,洋蔥仲要得嗰幾條,同埋明顯係未熟透。真心,連吉野家都不如。


服務方面:

啱啱出電梯嘅時候都冇人嘅,咁正常就應該啲枱都執好啦,但我哋入去嘅時候見到有至少兩張枱未執。以一間咁細嘅食肆嚟講,兩個侍應都應付唔到咩?食咗咁耐,都唔覺佢哋特別忙。


正常一間食肆,入到去都應該俾杯水/茶啦,但我哋坐到入去,點完餐,坐咗至少15分鐘都未俾杯水我哋,個侍應仲後知後覺,問我哋 “使唔使俾杯茶?” 我都真係呆咗。

佢哋係用電子餐牌,係幾環保又方便嘅,但我哋點餐嘅時候,個網站上有一半食物都冇咗張圖。


總結:

總括嚟講,我對呢間黃店好失望,即使係良心店,我都唔會介紹俾任何朋友,真係唔好意思。食到落嚟要$213,其實喺銅鑼灣食飯算正常,但份量太少。我同男朋友都細食,但咁嘅份量,只係食到我哋半飽,仲慘到要分半個飯俾男朋友食,而且咁嘅服務都要有加一。

見到咁多好評,我都唔知點講好,可能係我哋少食特別貴嘅嘢,又或者唔知茶漬飯係咩啦,但唔推薦俾比較慳嘅人食,學生就更唔推薦。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-02-15
等候時間
5 分鐘 (堂食)
人均消費
$120