影片
更多
2021-09-24
70 瀏覽
新開張，率先幫大家試一試，寫上幾款推介！（新開張八折，真係值得一試，第一日已經好多人排隊）👍🏻日式紅酒燉牛肉蛋包飯成碟飯賣相一流，好豐富。先講牛肉，超級嫩口，肥瘦得宜，仲帶點軟筋，重點係牛味道極濃郁，配埋帶點甜嘅紅酒汁，將成個味道昇華，我就略嫌得四舊唔夠喉！蛋包飯嘅雞蛋切出來會有點流質，就算食到最後都仲好嫩滑，證明煮嘅時候考慮周到，無過火候！裏面包嘅係番茄口味炒飯，仲有點翠玉瓜同紅蘿蔔粒豐富口感。至於配菜嘅南瓜同茄子都好出色，新鮮、綿滑、絕對唔會過熟太淋，連伴碟細節位置都絕不馬虎，值得一讚！👍🏻雞蛋沙律厚切多士餐廳完全還原到係日本嘅雞蛋三文治味道，麵包烘熱咗外微脆內鬆軟，唔會過乾，配搭經典沙律醬味同黑胡椒，旁邊仲附帶咗蔬菜沙律，輕盈得來又令人滿足。👍🏻炸北海道大蝦配四元豚豬扒一上枱見到份量好多，係聚餐分享之選。每款都好脆身，熱辣辣即整，炸蝦有成手掌咁長，兩隻手指咁粗，食落好新鮮，唯一美中不足可能係炸蝦嘅粉感比較重。至於豬排，大大件，可能因為用咗日本嘅四元豚，豬味同樣濃郁，而每塊嘅側面都見到有啲汁，色澤粉嫩，肉質絕對唔會好鞋，值得一試！碟中仲有兩款醬汁可以比客人點來配撘，使到食嘅時候唔會
（新開張八折，真係值得一試，第一日已經好多人排隊）
👍🏻日式紅酒燉牛肉蛋包飯
成碟飯賣相一流，好豐富。先講牛肉，超級嫩口，肥瘦得宜，仲帶點軟筋，重點係牛味道極濃郁，配埋帶點甜嘅紅酒汁，將成個味道昇華，我就略嫌得四舊唔夠喉！蛋包飯嘅雞蛋切出來會有點流質，就算食到最後都仲好嫩滑，證明煮嘅時候考慮周到，無過火候！裏面包嘅係番茄口味炒飯，仲有點翠玉瓜同紅蘿蔔粒豐富口感。至於配菜嘅南瓜同茄子都好出色，新鮮、綿滑、絕對唔會過熟太淋，連伴碟細節位置都絕不馬虎，值得一讚！
👍🏻雞蛋沙律厚切多士
餐廳完全還原到係日本嘅雞蛋三文治味道，麵包烘熱咗外微脆內鬆軟，唔會過乾，配搭經典沙律醬味同黑胡椒，旁邊仲附帶咗蔬菜沙律，輕盈得來又令人滿足。
👍🏻炸北海道大蝦配四元豚豬扒
一上枱見到份量好多，係聚餐分享之選。每款都好脆身，熱辣辣即整，炸蝦有成手掌咁長，兩隻手指咁粗，食落好新鮮，唯一美中不足可能係炸蝦嘅粉感比較重。至於豬排，大大件，可能因為用咗日本嘅四元豚，豬味同樣濃郁，而每塊嘅側面都見到有啲汁，色澤粉嫩，肉質絕對唔會好鞋，值得一試！碟中仲有兩款醬汁可以比客人點來配撘，使到食嘅時候唔會過於單調。
👍🏻鰻魚玉子蓋飯
長過手掌嘅原條鰻魚，加埋掌心咁大嘅玉子燒，超級好厚身，淨係睇樣都覺得吸引。鰻魚味道夠濃，又有點帶微焦嘅邊，同面頭嘅紫菜附和，加埋絕不吝嗇嘅醬汁，香氣一絕！而玉子燒係傳統嘅味道，甜甜地大口大口咁食，配上粒粒晶瑩有嚼口嘅白飯，好快就完食！
👍🏻Lotus焦糖芝士脆餅：
是次甜品賣相簡潔大方，唔會太甜太膩，食落唔似預先整咗好耐，啲餅乾都唔會淋晒。焦糖脆餅份量剛好，中間有層薄薄焦糖醬，配搭忌廉芝士同堅果碎，用來作結真係完美！
👍🏻波子汽水沙冰：
淨係賣相已經好有日本風味，特別係粒櫻桃，紅綠對比色令飲品嘅質感有所提升。飲落冇藥水味，冰涼冰涼，成件事好清新，唔會太甜，食住嘢飲仲好解膩添，如果可以再大杯啲就仲好啦(´▽｀)
👍🏻焙茶牛乳（凍）：
焙茶同牛乳一向係最佳配搭，可惜外間唔係咁常有，今次係Menu見到即刻忍唔住叫返杯。焙茶粉質細緻香濃，牛乳香滑，兩者份量配搭得宜，最欣賞係冇額外添加糖，飲到最純正嘅味道，果然無令人失望！
👍🏻👍🏻環境帶點復古味道，有格調，絕對係約會之選。餐廳利用咗柔和嘅黃燈，配合令人放鬆嘅輕鬆音樂
👍🏻👍🏻服務非常到位（為你切蛋包飯前會細心提示你可先影相打卡，仲會耐心等待）
💡新開張八折，性價比極高！！！！
張貼
