影片
更多
2004-11-25
16 瀏覽
尋日係非常值得慶祝的日子，係老公一生人中的大日子，為隆重其事，避免重蹈覆轍，已早廿日前訂位，因為上月試過早一日訂已經full。6點幾去到仲可以叫到個early bird dinner，個set有四道菜，如果叫兩客一定食唔晒，而我好想食羊扒但個set又冇，所以只點了一個set，再散叫一客Grill Lamb Chops，當然唔少得再點多一客甜品喇!個set頭盤係巴拿馬火腿配哈蜜瓜，火腿唔錯冇係西班牙食個d咁咸，原來一個set已經有兩件，好彩只叫一客set。第二道菜係蒜蓉橄欖油意粉，果然係自家製意粉，口感非常，可以食到蒜蓉橄欖的香味外，仲帶少少辣椒味來刺激食慾。意粉份量都唔少，食到這裡已經有半飽狀態。第三道主菜係香煎鱸魚，本來可以同羊扒一齊上一齊食，可惜原來落單時出錯，俾左牛仔肉，佢當然好好禮貌地立即換過。唯有食住Lamb Chops先，老公特別叫杯house red wine配，佢話杯酒好易入口，同羊扒好配。而個羊扒要3成熟，係非常非常之正，燒得好香好juicy，只嫌得三塊唔夠喉。鱸魚終於上場，其實應該食了魚才食羊扒會好d，因為羊扒味道太濃，相對之後再食魚的話，魚的味道較為啖，不過都不失
6點幾去到仲可以叫到個early bird dinner，個set有四道菜，如果叫兩客一定食唔晒，而我好想食羊扒但個set又冇，所以只點了一個set，再散叫一客Grill Lamb Chops，當然唔少得再點多一客甜品喇!
個set頭盤係巴拿馬火腿配哈蜜瓜，火腿唔錯冇係西班牙食個d咁咸，原來一個set已經有兩件，好彩只叫一客set。
第二道菜係蒜蓉橄欖油意粉，果然係自家製意粉，口感非常，可以食到蒜蓉橄欖的香味外，仲帶少少辣椒味來刺激食慾。意粉份量都唔少，食到這裡已經有半飽狀態。
第三道主菜係香煎鱸魚，本來可以同羊扒一齊上一齊食，可惜原來落單時出錯，俾左牛仔肉，佢當然好好禮貌地立即換過。唯有食住Lamb Chops先，老公特別叫杯house red wine配，佢話杯酒好易入口，同羊扒好配。而個羊扒要3成熟，係非常非常之正，燒得好香好juicy，只嫌得三塊唔夠喉。
鱸魚終於上場，其實應該食了魚才食羊扒會好d，因為羊扒味道太濃，相對之後再食魚的話，魚的味道較為啖，不過都不失為一條好魚，因為肉質滑。
因為自問對帝苑的招牌tiramisu一般，所以知道個set甜品係tiramisu有d失望。有人話我唔食識都好，食過咁多間d tiramisu，我仍然最鐘意Fat Angelo's個隻tiramisu。
我反而最欣賞另外再叫的chocolate puff cake，係酥皮做餅底，酥皮鬆化好脆，而吉士唔多所以冇咁溜，面頭d chocolate mousse，好香又唔太甜，仲有兩個puff被層硬了的糖衣包住，簡直好食得冇話可說，本來仲好想好想食多件，但實在太飽，食埋餐後的cookie同chocolate，真係十分滿足的一餐。
張貼
