瑞記咖啡

營業中

休息中

黎到上環，特登同朋友仔弓上黎食個茶餐先⋯呢日黎到約3點幾到，附近食肆都冇乜人⋯唯獨瑞記坐滿晒人，好彩咁岩有對情侶剛走⋯唔洗等位。是日2個人叫左杯樽仔奶茶、蛋牛飽、西多士、熱檸水，先試支樽仔奶茶⋯坦白講其實真係唔論得話好飲，可以講成淡而無味⋯可能因為係用支樽裝，飲落就會覺得好有新鮮感⋯若果真係要飲唔加冰涷奶茶，太興嘅冰鎮奶茶仲好飲。而佢地既西多士，同坊間做法好唔同⋯算我唔識欣賞，食多2、3啖⋯就會覺得越來越流，最終我哋都係食唔晒。而蛋牛飽味道我覺得好普通，不過不失。如果一心想來試下，其實都可以⋯但真係唔好期望太大。