影片
更多
2018-06-03
195 瀏覽
隔左一排無食放題突然又放題癮起決定即慶去食放題，以前一直都係滿屋既fans，鍾意佢地既服務態度好，今次亦都無例外，雖然隔左排無黎但服務態度水平都無下降，抵讚。講返食物，今次點左1輪刺身，壽司同各種小食，平均質素都十分滿意。刺身三文魚幾厚切而且肥瘦均勻，食落唔會因為雪得太火而令口感結實帶冰碎，色澤光鮮無帶暗啞。帶子同赤蝦味道鮮甜而軟滑。刺身類貴精不貴多，味道口感令人滿意。海膽系列特色壽司，當中比較欣賞係海膽海葡萄大赤蝦壽司，赤蝦十分厚實而且鮮味濃，赤蝦面上鋪上呅落脆卜卜且帶海水感味既海葡萄同濃而唔腥既海膽味道幾配。無壽司飯既帶子吞拿魚蓉紫菜壽司一次過滿足愛帶子既鮮甜同香濃吞拿魚蓉既人，無壽司飯食落都唔會覺得好滯。雞翼愛好者一定唔好錯過芝麻炸雞翼同避風塘炸雞中翼，炸得香脆而且味道香內裏一咬充滿雞翼肉汁，避風塘味好有驚喜，脆炸咸香有大牌檔風味。天婦羅炸粉漿唔算太厚可接受，勝左即叫即炸唔會放好耐令天婦羅充滿油益味同軟淋淋。蒜香一口和牛粒牛脂味幾香肉質唔會咬唔落口無根，不過不失。特色餐飲有芒果艦隊，用楊枝甘露作底再加上芒果雪糕同芒果爆珠同cream，雖然邪惡但對芒果迷黎講整個配搭好滿足。雪糕十分
刺身三文魚幾厚切而且肥瘦均勻，食落唔會因為雪得太火而令口感結實帶冰碎，色澤光鮮無帶暗啞。帶子同赤蝦味道鮮甜而軟滑。刺身類貴精不貴多，味道口感令人滿意。
海膽系列特色壽司，當中比較欣賞係海膽海葡萄大赤蝦壽司，赤蝦十分厚實而且鮮味濃，赤蝦面上鋪上呅落脆卜卜且帶海水感味既海葡萄同濃而唔腥既海膽味道幾配。
無壽司飯既帶子吞拿魚蓉紫菜壽司一次過滿足愛帶子既鮮甜同香濃吞拿魚蓉既人，無壽司飯食落都唔會覺得好滯。
雞翼愛好者一定唔好錯過芝麻炸雞翼同避風塘炸雞中翼，炸得香脆而且味道香內裏一咬充滿雞翼肉汁，避風塘味好有驚喜，脆炸咸香有大牌檔風味。
天婦羅炸粉漿唔算太厚可接受，勝左即叫即炸唔會放好耐令天婦羅充滿油益味同軟淋淋。
蒜香一口和牛粒牛脂味幾香肉質唔會咬唔落口無根，不過不失。
特色餐飲有芒果艦隊，用楊枝甘露作底再加上芒果雪糕同芒果爆珠同cream，雖然邪惡但對芒果迷黎講整個配搭好滿足。
雪糕十分落本有haagen-Dazs同movenpick做選擇，食返2杯已經好滿足而且回返本。
張貼
