影片
更多
2017-06-18
611 瀏覽
前排食薯仔屋時店員介紹佢地分店凡高廚房，聽落好吸引，所以約埋男友再出銅鑼灣撐枱腳。餐廳裝潢好別緻，一踏入店鋪就見到一張桌球檯及一室桃紅色既牆身, 仔細留意發現到原來參照梵高的一張名畫（夜間咖啡座）而設計。 餐廳內隨處都見到梵高既著作，擺設都好有心思，可以一邊欣賞名畫，一邊品嚐美食，頓時感覺到文藝浪漫既氣氛。得知呢道既頂級和羊好出名，仲要係拎過獎，連周中師傅都推介，當然要試下，所以叫左個頂級和羊扒套餐同一個大蝦帶子墨魚汁扁意粉套餐。98%蘑菇忌廉湯，店方利用多種蘑菇磨製出黎，愛菇菇人士必飲。😋每一啖都飲到豐富質感，菌味道非常香濃，混合忌廉一齊煮，質感濃厚，但又唔會過杰👍🏻👍🏻南瓜湯，用南瓜蓉打製而成，所以南瓜味道極為鮮濃突出，真材實料，鮮南瓜既香甜，令人飲唔停口。煙三文魚酸菜捲，擺放好靚好有心思，煙三文魚包住一酸菜，食落去鹹鹹酸酸，估唔到味道又幾襯，蝦新鮮爽口，整個菜色令人好開胃。蛋餅黎到時以為禁快上甜品🤣因為外型好似芝士蛋糕, 食落甜甜地，蛋香味好濃，感覺好似玉子燒，但蛋餅口感更creamy 軟滑。加左$128食鵝肝，鵝肝大大塊，仲要厚切，配上多士食簡直一流。鵝肝煎到好香口，油潤豐腴，
餐廳裝潢好別緻，一踏入店鋪就見到一張桌球檯及一室桃紅色既牆身, 仔細留意發現到原來參照梵高的一張名畫（夜間咖啡座）而設計。 餐廳內隨處都見到梵高既著作，擺設都好有心思，可以一邊欣賞名畫，一邊品嚐美食，頓時感覺到文藝浪漫既氣氛。
得知呢道既頂級和羊好出名，仲要係拎過獎，連周中師傅都推介，當然要試下，所以叫左個頂級和羊扒套餐同一個大蝦帶子墨魚汁扁意粉套餐。
98%蘑菇忌廉湯，店方利用多種蘑菇磨製出黎，愛菇菇人士必飲。😋每一啖都飲到豐富質感，菌味道非常香濃，混合忌廉一齊煮，質感濃厚，但又唔會過杰👍🏻👍🏻
南瓜湯，用南瓜蓉打製而成，所以南瓜味道極為鮮濃突出，真材實料，鮮南瓜既香甜，令人飲唔停口。
煙三文魚酸菜捲，擺放好靚好有心思，煙三文魚包住一酸菜，食落去鹹鹹酸酸，估唔到味道又幾襯，蝦新鮮爽口，整個菜色令人好開胃。
蛋餅黎到時以為禁快上甜品🤣因為外型好似芝士蛋糕, 食落甜甜地，蛋香味好濃，感覺好似玉子燒，但蛋餅口感更creamy 軟滑。
加左$128食鵝肝，鵝肝大大塊，仲要厚切，配上多士食簡直一流。鵝肝煎到好香口，油潤豐腴，另外有菠蘿係底，可以去膩之外，更增加口感。
主角和羊出場啦，七成熟左右，燒得岩岩好，外表誘人，金黃焦香而且有坑紋，肉味好到位，肉質嫩滑，羊味香而羊羶味道唔會好濃，食落肉汁都好juicy ，感覺似和牛既質感，但又多左入羊香味，果然名不虛傳。
大蝦帶子墨魚汁扁意粉
材料有虎蝦同帶子，雖然蝦肉唔算好大粒，但幾鮮甜，意粉煮得夠入味，墨魚汁濃郁唔腥，海鮮味濃郁但鹹味不會過重，帶子大粒新鮮彈牙。
甜品都有心思，芝士餅味道唔會太甜，不錯。再朱古力慕絲口感幼滑，朱古力味香濃但唔會過甜。
張貼
