影片
更多
2022-10-25
100 瀏覽
秋風起涼涼地，又係打邊爐嘅好時機，今日再度光臨「一鍋堂」。打邊爐牛肉當然係主角，C餐雖然要俾多50蚊，但多好多款牛肉可以揀，都算值得。入座時要揀埋湯底，呢度有好多款湯底可以揀，但個人都係比較喜歡簡單嘅湯底，唔會蓋過火鍋料嘅味道，所以選擇左豬骨清湯。呢度點餐主要係掃QR code，亦有自助區及蔬菜區，落完單後梗係要出自助區睇下有咩食，竟然有芫茜燒賣同埋腸粉，用腸粉打邊爐真係第一次，淥完後煙煙韌韌，感覺都幾得意。蔬菜區有多款蔬菜，如唐生菜、羽衣甘藍、菜心苗及油麥菜等等，每款都係用兜裝住，鍾意邊兜就攞邊兜，簡單方便，但略嫌每兜份量有d多，好難食到好多款，如果每兜份量減少d或者有雜菜籃就好了。餐廳仲有熟食區同沙律吧，今日竟然有豉椒炒蜆，蜆肉無沙夠入味，啱晒打邊爐前止止餓。肉好快就送到了，梗係要每款牛都試下先啦，當中個人最喜歡澳洲和牛板肉，牛味香濃，而牛脷心托就夠爽口，淥幾秒就食得；至於羊卷肉夠羶，眼闊肚窄之下都無機會試佢地個豚肉。除左肉之外，呢度嘅手打丸同滑都係主打，蟹籽蝦滑同墨魚丸都相當彈牙；另外仲有我最喜愛嘅特長蟹棒，淥一淥吸收晒湯嘅精華，份外好味。有野食又點可以無飲品？呢度嘅飲品款式夠多
打邊爐牛肉當然係主角，C餐雖然要俾多50蚊，但多好多款牛肉可以揀，都算值得。
入座時要揀埋湯底，呢度有好多款湯底可以揀，但個人都係比較喜歡簡單嘅湯底，唔會蓋過火鍋料嘅味道，所以選擇左豬骨清湯。
呢度點餐主要係掃QR code，亦有自助區及蔬菜區，落完單後梗係要出自助區睇下有咩食，竟然有芫茜燒賣同埋腸粉，用腸粉打邊爐真係第一次，淥完後煙煙韌韌，感覺都幾得意。
蔬菜區有多款蔬菜，如唐生菜、羽衣甘藍、菜心苗及油麥菜等等，每款都係用兜裝住，鍾意邊兜就攞邊兜，簡單方便，但略嫌每兜份量有d多，好難食到好多款，如果每兜份量減少d或者有雜菜籃就好了。
餐廳仲有熟食區同沙律吧，今日竟然有豉椒炒蜆，蜆肉無沙夠入味，啱晒打邊爐前止止餓。
肉好快就送到了，梗係要每款牛都試下先啦，當中個人最喜歡澳洲和牛板肉，牛味香濃，而牛脷心托就夠爽口，淥幾秒就食得；至於羊卷肉夠羶，眼闊肚窄之下都無機會試佢地個豚肉。
除左肉之外，呢度嘅手打丸同滑都係主打，蟹籽蝦滑同墨魚丸都相當彈牙；另外仲有我最喜愛嘅特長蟹棒，淥一淥吸收晒湯嘅精華，份外好味。
有野食又點可以無飲品？呢度嘅飲品款式夠多，當中梗係要試下佢地嘅自家製飲品，今次試左洛神花茶及金羅漢海底椰茶，兩款都唔太甜，打完邊爐清清熱氣就最適合不過啦。
張貼
