自家燒吧 (已結業)

觀塘工廈不嬲都多隱世餐廳。🏭 估唔到仲有食串燒嘅放題，重要係自己燒。⁣⁣⁣⁣⁣😯⁣⁣⁣⁣⁣⁣晚市2小時放題（$188起）⁣呢度一大亮點就係識得自己轉嘅串燒。🤩 平時如果出郊外BBQ，就咁拎住支叉咁燒，又熱又辛苦，落雨又唔燒得。好鬼麻煩。🥵 就算用燒烤爐，都要定時反吓啲食材，又係麻煩。😵 呢度嘅自轉燒烤就爽，串燒支籤本身有個齒輪，只要攝係爐邊，佢就會自己識得轉㗎。😎 就咁樣一放落去就燒到，完全唔使煩，又燒得均勻，直接等食就得。😗 喺室內開大冷氣咁樣燒嘢食真係零舍有mood。⁣⁣⁣⁣⁣😆⁣⁣⁣⁣⁣串燒都有唔同種類嘅肉類，包括牛舌、牛肋條、羊肉、雞翼同沙爹豬，另外仲有丸類同菇類。😉 當中台灣腸非常入味，好值得一試。😙 當然仲有BBQ唔少得嘅棉花糖啦，烤到外面少少熏黑，咁樣內脆外軟最好食。🔥 不過小心唔好hi到爐邊整溶晒舊糖，如果唔係就會著火唔食得架啦。⁣⁣🤣 仲有自己得搽蜜糖醬同埋落孜然粉，更添風味。⁣⁣🥳⁣⁣⁣⁣除咗燒烤之外嘅冷盤熟食同甜品都有好多選擇。😋 而且都唔馬虎，例如燒生蠔嘅蠔肉飽滿。😛 加上滿滿嘅蒜蓉，質素頗高。👍🏻 甜品亦都有唔同顏色嘅馬卡龍，亦有雪糕櫃任拎雪糕杯同雪條。😏