八幡屋日本料理 (已結業)

今次同朋友就黎到八幡屋度食，呢一度喺兆萬9樓，個環境幾靚架，一出門就會見到大大個招牌喺面前。環境上呢度幾寬敞下，坐都坐得幾舒服，而且喺櫈既下面仲有個籃可以放私人物品，超級方便。呢一度佢有一個升級體驗，雖然要加錢但係可以食既選擇就更多，同埋真係幾好食。升級體驗中個日式海膽蒸蛋好好食，當中既蛋好滑，而且味道又唔會去到好甜既感覺，甜度適中。另外佢既和牛壽司都值得推介下，同其他既和牛壽司比較起黎，佢既肉質咬落去易嚼，而且牛既味道相對濃厚啲。去到放題，就一定要點刺身食啦！呢度刺身選擇亦都有好多，其中有頭甜蝦我覺得好好食，三文魚亦都幾新鮮。另外迷你海膽手卷都好值得推介，雖然份量真係小小地好迷你，但海膽相對手卷既比例都多，而且冇沙，幾好食。熟食方面，炸雞軟骨粒好好食，佢既鹹味比較低，而且炸粉亦都小，所以唔會覺得係食完就飽肚，冇果種油膩感。天婦羅，日式蟹粥亦都好好食，一樣地炸粉唔多，蟹粥蟹味都相對幾濃。雪糕，雪米糍都可以喺門口度拎到，而且呢度有埋冰菠蘿片！