影片
更多
2023-12-11
298 瀏覽
假日約了友人行街順便食飯，今次去試下同壽司郎打對台嘅はま寿司 ，都係過江龍平價壽司。大約2:00去到，唔算好多人等位，大約10分鐘都有位，格局上都係同一貫迴轉壽司一樣，木系光線明亮有吧位卡位自助沖茶電子落單等，我地3人揀左卡位，座位闊落坐得舒服，同壽司郎唔多係冇限時。都幾多款式。大切生三文魚，$17，三文魚尚算大件，味道不俗。吞拿魚腩，$12，正常水準。油甘魚，$17，味道正常。炙燒焦糖三文魚腩，$12，面層的焦糖微脆配上醬料味道香甜，燒三文魚腩口感軟嫩鮮味，幾好味。二重奏吞拿魚三味，$27，雙層刺身的壽司，但兩件刺身都係薄片，一碟有三款：吞拿魚、長鰭吞拿魚及吞拿魚腩，試了吞拿魚及吞拿魚腩，味道正常水準。WHAMA醬燒牛肉，$17，好大片牛蓋過舊飯，味道似食梗牛丼。安康魚肝軍艦，$12，魚香味濃。炙燒鹽味檸檬廣島縣蠔，$17，蠔尚算大隻味道鮮，配合檸檬鹽味的提鮮清新。炙燒芝士沙律醬廣島縣蠔，$17，友人的。炙燒鹽味柚子鰈魚裙邊，$12，鰈魚太細件了，味道較淡但爽口。三色丸子串，$12，老是常出現，但係呢到見到又想試下，食落冇乜味，口感唔夠軟，一般。日式甜品拼盤，$17，賣相吸引的和菓子
假日約了友人行街順便食飯，今次去試下同壽司郎打對台嘅はま寿司 ，都係過江龍平價壽司。
大約2:00去到，唔算好多人等位，大約10分鐘都有位，格局上都係同一貫迴轉壽司一樣，木系光線明亮有吧位卡位自助沖茶電子落單等，我地3人揀左卡位，座位闊落坐得舒服，同壽司郎唔多係冇限時。
都幾多款式。
大切生三文魚，$17，三文魚尚算大件，味道不俗。
吞拿魚腩，$12，正常水準。
油甘魚，$17，味道正常。
炙燒焦糖三文魚腩，$12，面層的焦糖微脆配上醬料味道香甜，燒三文魚腩口感軟嫩鮮味，幾好味。
二重奏吞拿魚三味，$27，雙層刺身的壽司，但兩件刺身都係薄片，一碟有三款：吞拿魚、長鰭吞拿魚及吞拿魚腩，試了吞拿魚及吞拿魚腩，味道正常水準。
WHAMA醬燒牛肉，$17，好大片牛蓋過舊飯，味道似食梗牛丼。
安康魚肝軍艦，$12，魚香味濃。
炙燒鹽味檸檬廣島縣蠔，$17，蠔尚算大隻味道鮮，配合檸檬鹽味的提鮮清新。
炙燒芝士沙律醬廣島縣蠔，$17，友人的。
炙燒鹽味柚子鰈魚裙邊，$12，鰈魚太細件了，味道較淡但爽口。
三色丸子串，$12，老是常出現，但係呢到見到又想試下，食落冇乜味，口感唔夠軟，一般。
日式甜品拼盤，$17，賣相吸引的和菓子，晶凝剔透，口感煙韌，味道好甜。
和風芭菲，$29，見幾多人食之下好奇試下，焰賣相吸引，有抹茶雪糕、白玉及紅豆等十分足料，抹茶味道濃郁，白玉軟糯，紅豆香甜，整體好夾口感豐富。
熱咖啡，$10，太想嘆啡之下忍唔住叫了，公平貿易咖啡，不俗。食物款色都算多選擇，味道正常，價格算平，下次有機再食。
張貼
