影片
更多
2020-05-13
1267 瀏覽
肺炎疫情雖然稍有緩和，但亦不應掉以輕心，為穩陣起見，還是多點留在家中，減少外出，不過今晚唔想又係食住家飯，下班後決定買埋外賣先返屋企。平日間唔中都會去康怡廣場搵食，上次幫襯過地下嗰間「金記冰室」，今次就 一於試下位於 3 樓，主打京川粵菜嘅「金公館」。其實「金公館」喺銅鑼灣嘅時候，間唔中都會去食下飯，反而搬咗嚟康怡之後，今趟還是首次來。原來餐廳依家做緊優惠，晚市外賣自取可享 77 折，抵過堂食。我哋揀咗兩個小菜、炒飯、擔擔麵同蔥油餅。欖菜菜甫菜粒炒飯 ($98)，呢個飯水準唔錯，炒得粒粒分明，夠曬鑊氣，而菜甫、菜粒等亦爽口脆身，加上欖菜嘅獨特甘香，吃起來分外滋味。香酥蔥油餅 ($42)：圓形的蔥油餅兩面都已烙成金黃色，咬開可以見到內裡夾滿綠色的蔥花，而且口感亦非常好，夠紮實又層次豐富，每嚼一口，口腔便滿佈蔥香和芝麻香。呢個椒鹽鮮魷 ($72) 質素亦不俗，粉漿唔厚，只是薄薄的一層，而且完全包裹住魷魚，炸得鬆脆不油，吃起來既鮮甜又夠煙韌，連埋面頭的蒜鹽同香蒜粒等一齊食，好食到停唔到口。另外呢個鳳梨咕嚕肉 ($88) 亦做得非常出色，梅頭肉滿滿地裹著濃稠酸甜的醬汁，偏肥的部位令肉質柔軟
平日間唔中都會去康怡廣場搵食，上次幫襯過地下嗰間「金記冰室」，今次就 一於試下位於 3 樓，主打京川粵菜嘅「金公館」。
其實「金公館」喺銅鑼灣嘅時候，間唔中都會去食下飯，反而搬咗嚟康怡之後，今趟還是首次來。原來餐廳依家做緊優惠，晚市外賣自取可享 77 折，抵過堂食。
我哋揀咗兩個小菜、炒飯、擔擔麵同蔥油餅。
欖菜菜甫菜粒炒飯 ($98)，呢個飯水準唔錯，炒得粒粒分明，夠曬鑊氣，而菜甫、菜粒等亦爽口脆身，加上欖菜嘅獨特甘香，吃起來分外滋味。
香酥蔥油餅 ($42)：圓形的蔥油餅兩面都已烙成金黃色，咬開可以見到內裡夾滿綠色的蔥花，而且口感亦非常好，夠紮實又層次豐富，每嚼一口，口腔便滿佈蔥香和芝麻香。
呢個椒鹽鮮魷 ($72) 質素亦不俗，粉漿唔厚，只是薄薄的一層，而且完全包裹住魷魚，炸得鬆脆不油，吃起來既鮮甜又夠煙韌，連埋面頭的蒜鹽同香蒜粒等一齊食，好食到停唔到口。
另外呢個鳳梨咕嚕肉 ($88) 亦做得非常出色，梅頭肉滿滿地裹著濃稠酸甜的醬汁，偏肥的部位令肉質柔軟又具彈性，入口外脆內嫩，酸甜有致，醒胃又美味，令人吃完一件又一件。配角的三色椒和菠蘿都不要錯過，前者爽甜，後者清新，蠻高水準的。
四川擔擔麵 ($42)：餐廳非常細心，將麵同湯汁分開，以不同器皿盛載，以免麵條被浸腍，煞是體貼。把湯汁加進麵中，每條麵吃起來都很爽彈，能掛湯，入口既有麻辣滋味，亦發出濃郁嘅芝麻香，讓人吃得回味無窮。
希望個 77 折外賣優惠會繼續延長，益吓街坊。
張貼
