陳儀興尚潮樓 (太子道西)

營業中

休息中

潮州野我時不時就會好想食，因為我有個潮州魂～ 今次就買咗呢間既外賣同男朋友一齊試！食潮州嘅滷水一定要食鵝啦！鵝肉份量勁多，肉質又夠嫩，肥瘦啱啱好，而且滷得夠哂入味，仲要起哂啲骨添，食起上嚟啖啖肉夠哂過癮。滷水豆腐夠哂入味，豆腐好嫩滑。蝦棗拼粿肉蝦棗用料十足，食到啖啖嘅蝦肉，口感夠哂彈牙爽口，而另一款嘅粿肉做到外脆内軟，入面有多種配料，味道好豐富。汕頭煎蠔烙：呢度嘅用料好新鮮，啲蠔隻隻又大粒又鮮甜，加埋佢哋秘製嘅粉漿一齊煎，令蠔烙嘅口感味道都好好，亦都好有喺潮洲食到嘅味道。碧綠川椒雞：雞肉嫩滑非常，又夠哂入味，但調味得宜，唔會太咸。薏米元肉紅棗水：原本平時係會有佢哋嘅老藥桔，可惜我太晚去，經已賣哂，但佢哋呢枝都用料十足，又可以去濕又夠滋潤，好啱食完飯飲。