影片
更多
2019-06-27
151 瀏覽
今日喺銅鑼灣收工，天氣咁熱，真係好想食返啲日本野。朋友介紹我FireBird試下，於是二話不說就同男朋友去咗試下。雖然係平日夜晚，但都差唔多坐爆晒！我同男朋友都係軟殼蟹嘅fans，咁就嗌左個軟殼蟹沙律。個沙律色彩好繽紛，生菜、黃椒、車厘茄、芝士、牛油果、雞蛋，完全都係我好鐘意食嘅沙律組合。除咗啲菜好新鮮之外，個軟殻蟹真心推介。啲炸粉一啲都唔厚而且好脆口，而且軟殼蟹嘅size夠大亦都好多肉，啲肉一啲都唔梅。仲有waiter親自幫你夾好分好，好爽！牛油果蟹子加洲卷嘅牛油果同蟹子都好重份量，真材實料！食材都好新鮮，又好多件，食到哩度已經有半成飽！之後就叫左個特上手握壽司盛盒，食材新鮮就唔再講，壽司飯就最能睇到師傅既工架，啲飯醋既酸味剛剛好，而且用筷子夾落去完全唔散。特別推介係海膽同鰻魚，真係好鮮甜！！！另外我地再叫左哩度最出名既日本產霜降A4和牛燒，我地就揀左西冷，另外仲有牛柳同肉眼揀。果然名不虛傳，入口即融，牛味充滿晒成個口腔，久久未散！
我同男朋友都係軟殼蟹嘅fans，咁就嗌左個軟殼蟹沙律。個沙律色彩好繽紛，生菜、黃椒、車厘茄、芝士、牛油果、雞蛋，完全都係我好鐘意食嘅沙律組合。除咗啲菜好新鮮之外，個軟殻蟹真心推介。啲炸粉一啲都唔厚而且好脆口，而且軟殼蟹嘅size夠大亦都好多肉，啲肉一啲都唔梅。仲有waiter親自幫你夾好分好，好爽！
牛油果蟹子加洲卷嘅牛油果同蟹子都好重份量，真材實料！食材都好新鮮，又好多件，食到哩度已經有半成飽！
之後就叫左個特上手握壽司盛盒，食材新鮮就唔再講，壽司飯就最能睇到師傅既工架，啲飯醋既酸味剛剛好，而且用筷子夾落去完全唔散。特別推介係海膽同鰻魚，真係好鮮甜！！！
另外我地再叫左哩度最出名既日本產霜降A4和牛燒，我地就揀左西冷，另外仲有牛柳同肉眼揀。果然名不虛傳，入口即融，牛味充滿晒成個口腔，久久未散！
張貼
