影片
更多
2021-08-28
51 瀏覽
呢度打邊爐湯底都有唔少選擇，我哋就揀咗金湯鴿翅花膠湯，呢個湯底係金黃色嘅，入面有一隻乳鴿、金翅、南瓜同埋花膠，真材實料～花膠膠質豐富，係滿滿嘅骨膠原呀！每人飲咗三大碗湯，食埋啲湯底配料先開始加湯打邊爐🍲老友鬼鬼$78脆炸油炸鬼入邊釀咗墨魚滑，再配上泰式酸辣醬，又香脆又彈牙。蘇格蘭特大聖子$58/隻都真係幾大隻，鮮甜爽脆，擺落去個湯底度拖拖就食得～胡爐豚拼盤$268 由三款不同嘅豬肉組成，有豬頸肉、西班牙黑毛豬豚肉同埋秘制蝴蝶腩。呢個就中規中矩啦。手工干貝帶子餃$52總共有四粒，皮都算簿，餡料主要都係豬肉，干貝同埋帶子就唔係太食得出。芝心墨魚丸$52一樣都係有四粒，墨魚丸爽口彈牙，中間仲有滿滿嘅芝士夾心，小心辣親個口啊！蔬菜拼盤$58有油麥菜娃娃菜同埋唐生菜三款組成竹蔗茅根水$68/札打邊爐嘅必備飲品，唔會過甜，飲咗感覺冇咁熱氣～
每人飲咗三大碗湯，食埋啲湯底配料先開始加湯打邊爐🍲
老友鬼鬼$78
脆炸油炸鬼入邊釀咗墨魚滑，再配上泰式酸辣醬，又香脆又彈牙。
蘇格蘭特大聖子$58/隻
都真係幾大隻，鮮甜爽脆，擺落去個湯底度拖拖就食得～
胡爐豚拼盤$268
由三款不同嘅豬肉組成，有豬頸肉、西班牙黑毛豬豚肉同埋秘制蝴蝶腩。呢個就中規中矩啦。
手工干貝帶子餃$52
總共有四粒，皮都算簿，餡料主要都係豬肉，干貝同埋帶子就唔係太食得出。
芝心墨魚丸$52
一樣都係有四粒，墨魚丸爽口彈牙，中間仲有滿滿嘅芝士夾心，小心辣親個口啊！
蔬菜拼盤$58
有油麥菜娃娃菜同埋唐生菜三款組成
竹蔗茅根水$68/札
打邊爐嘅必備飲品，唔會過甜，飲咗感覺冇咁熱氣～
張貼
