至尊滿屋日本料理 (已結業)

星期四18:00黎到至尊滿屋食放題，呢個時間入座幾抵，每人都係$188，任食任飲wor～Movenpick and Haagen Dazs 🥰右邊係期間限定既雪糕，今次係焦糖味～呢個係我全晚最驚喜既野食：牛肉火鍋，係壽喜燒湯底，咸甜適中，雖然油份略多，但係牛肉上黎個陣係半生熟，可以自己掌握時間決定牛肉要幾熟，牛肉無咩筋又重牛味，驚喜之作！底下仲有娃娃菜，冬菇，粉絲，相當均衡仲點左唔同種類既天婦羅，雞翼，炸餃子等，相當豐富壽司比刺身好食！（黑松露除外）好健康地我係會食下菜既～呢到既西蘭花蝦仁唔錯架。日式前菜仲有中華沙律同螺肉。野飲方面有酒，忌廉牛奶，檸檬茶，蘋果汁，汽水，橙汁罐裝等等。個人認為加埋zero coke好啦。生果方面就有哈密瓜同埋西瓜，仲有啲杯裝甜品，我食壽司食到好飽了，生果同甜品既味道我就唔知啦。