星泰屋 (已結業)

同老婆行過，見佢有位，價錢又ok，咁就試下啦。叫個蝦喇沙，海南雞飯跟湯(雞脾要加$5，我地無要)。蝦喇沙：湯好濃，唔算香。材料有豆卜、魚蛋、魚片各三件，蝦仔6隻，牙菜小許。米線好冧，個人覺得麻麻。海南雞飯：雞是翼和胸，大致都算滑，無去骨都算，最弊係好多碎骨。油飯味道ok，但好乾好硬。跟的湯是例湯，沒甚麼特別。埋單$90，無加一。填飽個肚算啦，唔好咁多要求。