更多
2021-05-16
2487 瀏覽
位於銅鑼灣加路連山道「炊豕店」已經開業多年，仍然是我最鍾意嘅小店之一。平日中午時間真係超多人，所以我哋特登等過左2:00 先至去幫襯，果然唔使再排隊，開心可以直入，因為店子不大，所以座位間距離也較迫，而枱與枱之間以透明膠版分隔好，令客人安心食飯也十分重要。剔好心水食物就遞紙給店員，基本上不須五分鐘，兩個大碗飯已送到面前。我可以話你知，如果冇叫過「蔥油豬扒飯」$64就咪話幫襯過，必點！蔥油堅多；多到傾瀉，撈飯食絕對一流，飯用上珍珠米，口感更軟糯香口。而厚炸豬扒；肉香 juicy ，無油膩感，簡單得黎又超級正！「切粒叉燒豆角煎蛋飯」$64賣相明顯踏實好多，不過材料多到可以將飯完全蓋過。滿滿的切粒叉燒和豆角，豆角十分爽口，加埋嫩滑的炒蛋，雖然不及「蔥油豬扒飯」惹味，但好有家常小菜味道。飯真係好多，但甜豉油墊左底，食到尾先發現，建議食之前先大兜亂應該更美味。見小食咁抵，好貪心咁點左「肉燥凍豆腐」$22凍豆腐夠冰凍，加上超多肉燥及肉燥汁，醬汁夠濃，微辣，和豆腐的清淡平衡得好好。Coke Zero $6蜂蜜生薑茶$6
位於銅鑼灣加路連山道「炊豕店」
已經開業多年，仍然是我最鍾意嘅小店之一。
平日中午時間真係超多人，所以我哋特登等過左2:00 先至去幫襯，果然唔使再排隊，開心可以直入，因為店子不大，所以座位間距離也較迫，而枱與枱之間以透明膠版分隔好，令客人安心食飯也十分重要。
剔好心水食物就遞紙給店員，基本上不須五分鐘，兩個大碗飯已送到面前。
我可以話你知，如果冇叫過「蔥油豬扒飯」$64就咪話幫襯過，必點！
蔥油堅多；多到傾瀉，撈飯食絕對一流，飯用上珍珠米，口感更軟糯香口。
而厚炸豬扒；肉香 juicy ，無油膩感，簡單得黎又超級正！
「切粒叉燒豆角煎蛋飯」$64
賣相明顯踏實好多，不過材料多到可以將飯完全蓋過。
滿滿的切粒叉燒和豆角，豆角十分爽口，
加埋嫩滑的炒蛋，雖然不及「蔥油豬扒飯」惹味，但好有家常小菜味道。
飯真係好多，但甜豉油墊左底，食到尾先發現，建議食之前先大兜亂應該更美味。
見小食咁抵，好貪心咁點左「肉燥凍豆腐」$22
凍豆腐夠冰凍，加上超多肉燥及肉燥汁，醬汁夠濃，微辣，和豆腐的清淡平衡得好好。
Coke Zero $6
蜂蜜生薑茶$6
張貼
