牛魔 (已結業)

今日黎到一間行型格風既韓式烤肉店，餐廳乾淨，坐位都舒服，最抵讚係一啲油煙味都冇，抽風做得非常好！人客不算多，所以今日坐吧枱仲可以有專人烤肉服務😘🔹美國prime醬油牛肋骨🔹預先用甜醬油醃製過既牛肋骨燒過後，肉的表皮呈現出深啡色。牛的肉質也非常軟腍，仲有豐富肉汁，牛味也頗重，個人非常喜愛！🔹香蔥牛舌🔹薄切既牛舌烤過後特別爽口，先輕輕在火爐上烤兩烤，再加上香蔥油，味道十分豐富。🔹厚切豚肉五花腩配生菜🔹五花腩肉質較為厚實，油份較多，所以燒耐啲可將油份逼出，燒到脆身蘸少少燒烤醬同搭配新鮮既生菜，清新不膩！🔹櫻花蝦配餃子🔹鹹香既櫻花蝦灑滿在煎到金黃色既餃子上，唔駛蘸醬都好夠味，而且餃子餡都好飽滿。🔹沖澠日式烏冬🔹切粒既海鮮、菇片加上爽口彈牙既烏冬，仲係沖繩既味道啦！而且每條烏冬都掛上醬汁，非常惹味！