The Pearl

今日喺尖沙咀收工，同老公拍下拖先。搵左間bar & restaurant。餐廳走型格路線，可以揀坐indoor或者outdoor。 煙三文魚芝士卷：煙三文魚包住青瓜絲沙律🥗🥒，配以軟心芝士🧀，加油沙律醬同埋蟹子，味道清新。 香煎北海道帶子：帶子好大粒，表面煎得焦香，帶子加咗日本金山麵豉醬，配以枝豆蓉伴底，非常有特色。 烤澳洲羊西冷：比較少餐廳有羊西冷🐐，老公一見到就話要點，羊西冷肉質細緻，香味濃郁，一啲羶味都無，羊西冷底下用咗茄子蓉去墊底🍆，有別於一般傳統配菜，挺有風味。 燴澳洲牛面頰🐮：牛面頰炆得好稔好入味，令人讚嘆！如果份量再多啲就好啦，真係好好味！另外吉列和牛卷亦炸得金黃酥脆，內裡軟滑，口感豐富😋。 叫咗2杯Mocktail🍸，一杯First Love💓，另一杯First Night🌃。 First Love💓：係菠蘿同青瓜味🥒嘅soda，菠蘿🍍蓋過咗青瓜嘅青味，酸甜得嚟感覺帶清新。 First Night🌃🍷：從果汁嘅顏色睇嚟已經感覺好襯個drink name，加上一隻好夢幻嘅杯，令人聯想到夜空。味道係passion fruit加提子汁，味道好易入口。