SAKEH

營業中

休息中

尖沙咀有間型格現代居酒屋叫Sakeh，餐廳好有日本風格，而且食物都有好多選擇並且質素好高。露筍豬肉卷都幾特別，豬肉片包住露荀，外層肉片肥美，而露荀內裡清新多汁，雙重美味。雞腎質韌脆嫩，口感好好，燒完之後味道更香。海膽松葉蟹蓋甲羅燒必定要叫，松葉蟹蓋甲羅燒入面有滿滿嘅蟹膏、蟹肉同海膽，將佢哋全部撈勻一齊加埋特製醬汁再食，味道層次豐富，超濃郁美味。封門柳飯盒飯賣相好靚，主角封門柳牛肉厚切呈半生熟，肉質粉紅鮮嫩，口感軟腍，加上其他配菜一齊食，超滿足。