熨烤達人 (已結業)

中伏啊！星期五晚上人少少，。跟燒烤有爐邊蛋，自己加粟米或者芝士，仲有菜籃。不過冇送豬油，一燒就痴底，冇蒜頭冇豆瓣醬，淨係燒肉加菜，好dry...調味五花肉$68嘩！同張相唔同嘅，得五片薄切。同圖中嗰塊五花肉完全唔同囉，會唔會太薄呢？牛肩肉 $88得六片，依舊都係好薄...原味雞翼 $48 4隻雞翼有醃過，燒完唔洗點汁都好食，上枱嘅時候剪開咗兩邊，快熟好多。韓燒來講都算做得幾差，選擇唔多，飲品只有特飲，貴仲未計+1 ，其實真係唔明點解會有咁多分店。