The Place

提早同爸爸慶祝父親節，想搵間自助餐成家人一齊擦返餐。聽人講話呢間剛剛新裝修，就拿拿臨BOOK 位喇！準時中午12點去到，一入去個感覺就好舒服，裝修用左好柔和既綠色同木色為主，感覺好relax. 成左一個圈，食物款式都算都齊，海鮮吧有凍蝦、長腳蟹、青口、小龍蝦，仲有生蠔細細隻但都好鮮，讚！魚生就得三文、立魚同吞拿選擇，太少了！但三文魚都肥美又有魚味！值得一提係個cheese corner ，竟然有5種咁多，仲分埋國家，配埋餅乾食好好味！熟食都有分中、西、印度，total 都有十二三款，點心呀、蒸魚ar，燴海鮮呀，燒西冷呀、咖哩呀都一應俱全，味道都可以，反而係有個米芝連明閣白切雞就普通到不得了...唔明點得獎....沙律呢選擇都新鮮，有D沙律菜響出面比較少見，呢度就可以食多d喇！甜品真係比較失望，款式好多，個樣又好靚.......但食落去..........唔可以話唔好味......但唔出色。唯獨一讚係杏仁茶！好香杏仁味，我飲左兩碗！唯有食多兩球movenpick 雪糕補補數喇！有8個口味！^0^總括黎講以3百幾一餐lunch buffet 咁題質素都合格，地點又方便，服務員都收碟反應快！