菊月町 (已搬遷) 新店位置

附近一間日式料理店，擴充左大半年。今日終於的起心肝去會一會佢。觀塘區來講，門面算好吸睛。最想食的金銀海鮮丼要接近二百蚊，係貴野。第一次試，當然唔會咁重鎚喇。午飯啫，我食刺身烏冬餐 （菊）$95。 店員話今日冇烏冬，要轉三文魚小卷， ok 啦！但心諗，烏冬都冇咁嚴重？ 餐仲有沙律同湯，淡淡地幾清新。之後，一盤上左，原來唔係刺身，係壽司來架！再睇返餐牌，佢又冇寫明喎，個樣都幾吸引，是旦啦 。食左一件，魚身係 ok 新鮮的，但敗在D飯。有部份係硬粒，未熟透架。如是者，食曬成碟D飯都平均地唔太熟。三文魚小卷亦上枱，心諗，又係硬飯？果然........重申一次，刺身質素是ok 的，希望係偶一失手，下次改善埋D飯，便算好抵食了。另外一項不滿意係位置太迫，迫到連轉角都要坐人，好過火。不過坐 bar 枱有個好處，可以近距離望住點整，偷吓師。