金田家 (已結業)

放工想簡單食個拉麵，但唔想泊車去停車場，我推介去黃埔金田家，因為車可以泊路邊，可以睇住有冇抄牌，放心食又唔洗比停車場錢。金田家一向都係高水準，從日本到香港，都係我心水之選。我去又撞正感謝祭，有85折 (星期1至4)，抵食!我最愛柚子辛口拉麵，而家日本料理店都好中意加柚子調味，連拉麵湯底都有柚子，味道清爽無負擔，而且我中意呢個湯底帶有少少辣味，增加食欲，又吾會太油膩，食完吾會有罪惡感。老公對豬骨湯底情有獨鍾，每次食都叫呢個，佢話濃而不膩wo。麵質方面，我覺得剛剛好! 軟硬適中，而且拉麵可以吸起好多汁!追加個玉米，好甜!另外我叫左個餃子，我認為呢個係呢度必點，因為餃子裡面有好多肉汁，而且煎得金黃好食。