影片
更多
2021-07-22
1706 瀏覽
要食韓國菜🇰🇷梗係去尖沙咀啦，今次我就去咗韓燒老字號嘅韓珍，係尖沙咀有2間分店。呢度嘅燒肉都有幾多款式，仲有唔少韓國菜好似煎餅、麵、豬手等，連好少可見到嘅醬油蟹都有😻難怪呢晚都幾旺場，有唔少人仲係度慶祝生日。我自己就幾鍾意呢度嘅燒爐，油煙抽得幾好唔會整到成身燒肉味，又唔會好彈油，爐溫剛好👍🏻醬油蟹+牛油飯印象中都係第一次食醬油蟹，一直想食但香港真係冇乜餐廳有供應，呢度嘅醬油蟹配埋大大碗牛油飯可以撈埋啲蟹膏同醬油一齊食。醬油蟹都算幾大隻，個身同蟹殼都有唔少橙紅色嘅蟹膏🥰有海鮮嘅鮮甜味但唔會腥。醬油汁調味都唔錯，唔會太鹹。牛油飯真係加咗唔少牛油勁邪惡😈面頭有唔少飯素同紫菜，連埋啲醬汁同蟹膏食好滿足。牛肉拼盤（調味烤排骨、調味烤里脊、調味特級牛肋骨）燒肉拼盤有3款每款都已經調味好，醬汁甜甜地，3款牛肉嘅肉質都幾好，夠腍，而且大大件啖啖肉。個爐好容易控制，容易燒到啱啱好嘅坑紋同生熟程度😎葛根拌冷麵（小）食得燒肉最後一定唔少得冷面，唔知點解韓國會有呢個傳統呢🤣呢個冷麵雖然係細份但份量都極多，兩個人都食唔晒。調味唔算好辣，食完燒肉用呢個清爽嘅冷面做ending就啱晒喇。Blue Lemon Ade
醬油蟹+牛油飯
印象中都係第一次食醬油蟹，一直想食但香港真係冇乜餐廳有供應，呢度嘅醬油蟹配埋大大碗牛油飯可以撈埋啲蟹膏同醬油一齊食。醬油蟹都算幾大隻，個身同蟹殼都有唔少橙紅色嘅蟹膏🥰有海鮮嘅鮮甜味但唔會腥。醬油汁調味都唔錯，唔會太鹹。牛油飯真係加咗唔少牛油勁邪惡😈面頭有唔少飯素同紫菜，連埋啲醬汁同蟹膏食好滿足。
牛肉拼盤（調味烤排骨、調味烤里脊、調味特級牛肋骨）
燒肉拼盤有3款每款都已經調味好，醬汁甜甜地，3款牛肉嘅肉質都幾好，夠腍，而且大大件啖啖肉。個爐好容易控制，容易燒到啱啱好嘅坑紋同生熟程度😎
葛根拌冷麵（小）
食得燒肉最後一定唔少得冷面，唔知點解韓國會有呢個傳統呢🤣呢個冷麵雖然係細份但份量都極多，兩個人都食唔晒。調味唔算好辣，食完燒肉用呢個清爽嘅冷面做ending就啱晒喇。
Blue Lemon Ade、Grapefruit Ade
最後仲叫咗2杯啱晒夏天嘅梳打，除咗梳打仲有唔少啤酒／茶可以選擇。
人均消費：$400
推介指數（10分為滿分）：7.5分
張貼
