影片
更多
2019-03-29
35 瀏覽
打邊爐可以以自己喜歡嘅速度烹調面前嘅食物，同時間又可以有人招呼你，都算係一番樂趣。位於尖沙咀寶勒巷嘅「碼頭故事」，係成都知名火鍋品牌，所有湯底配料都從當地運黎，口味地道，跟足當地傳統，以牛油黎熬煮湯底，入口油香重。除此之外仲有蕃茄鍋、大骨百味鍋等選擇。主角是毛肚、肝臟、肥腸等，同四川火鍋店一樣，感覺地道。好可惜我地好怕牛油味，同時間又唔食內臟，所以只好試佢地嘅蕃茄鍋同埋一d比較普通嘅火鍋材料。有別於一般嘅火鍋店，呢度嘅醬料係比較少嘅，但係就有自家製嘅「芝麻香油碟」，店員話我地可以將佢同蠔油，芫荽同埋蔥撈埋做醬料，我自己都試過，都覺得非常特別架。蕃茄湯底上檯時散發出陣陣蕃茄香味，味道香濃，非常足料。配料方面，我地揀左各式各樣嘅食物。養生豆花：養生豆花即係凍豆腐，係最開始嘅時候落落湯度，吸收左未有肉類污染過嘅湯底會較少油，亦都比較健康。蝦滑：蝦滑插左係放滿左冰嘅筒度，賣相獨特。蝦滑好重蝦味，入口煙煙韌韌，食落好爽口，係湯底中淥左好耐口感都無變。精選五花肉：五花肉切得好薄，肉質顏色鮮艷，肥膏唔算太多，放落湯到淥一淥就食得，值得一讚。香菇／鮮紅薯粉／海霸王蝦餃：海霸王蝦餃算係一個驚喜，有別於一
位於尖沙咀寶勒巷嘅「碼頭故事」，係成都知名火鍋品牌，所有湯底配料都從當地運黎，口味地道，跟足當地傳統，以牛油黎熬煮湯底，入口油香重。除此之外仲有蕃茄鍋、大骨百味鍋等選擇。主角是毛肚、肝臟、肥腸等，同四川火鍋店一樣，感覺地道。好可惜我地好怕牛油味，同時間又唔食內臟，所以只好試佢地嘅蕃茄鍋同埋一d比較普通嘅火鍋材料。
有別於一般嘅火鍋店，呢度嘅醬料係比較少嘅，但係就有自家製嘅「芝麻香油碟」，店員話我地可以將佢同蠔油，芫荽同埋蔥撈埋做醬料，我自己都試過，都覺得非常特別架。
蕃茄湯底上檯時散發出陣陣蕃茄香味，味道香濃，非常足料。配料方面，我地揀左各式各樣嘅食物。
養生豆花：養生豆花即係凍豆腐，係最開始嘅時候落落湯度，吸收左未有肉類污染過嘅湯底會較少油，亦都比較健康。
蝦滑：蝦滑插左係放滿左冰嘅筒度，賣相獨特。蝦滑好重蝦味，入口煙煙韌韌，食落好爽口，係湯底中淥左好耐口感都無變。
精選五花肉：五花肉切得好薄，肉質顏色鮮艷，肥膏唔算太多，放落湯到淥一淥就食得，值得一讚。
香菇／鮮紅薯粉／海霸王蝦餃：海霸王蝦餃算係一個驚喜，有別於一般酒樓食到嘅，呢度嘅蝦餃係呈條狀，入口非常爽口，細細條，令人一條一條咁食過不停。
果蔬豬肉丸：豬肉加入馬蹄同其他材料後打成果蔬豬肉丸，入口新鮮好味而且爽口彈牙， 值得一讚。
另外，廚師亦非常有心思，將脆皮腸半邊砌成四份，脆皮腸淥完後就好似小章魚咁，真係好有童年回憶。
今晚每人盛惠300蚊左右，除左食物質素高同埋份量都算多之外，環境仲算寧靜，係約三五知己一齊食飯傾計嘅選擇之一。
張貼
