一鍋堂 (新都會廣場)

營業中

休息中

位於葵芳嘅一鍋堂，裝修真係好靚，地方亦都好寬敞。入座之前揀一款湯底，難得嚟到就梗係要試吓藥膳雞湯啦。呢款藥膳雞湯唔算好濃味，味道適中。入邊嘅雞肉都好足料，大大舊雞慢慢淥。佢啲嘢未嚟到之前就先食住啲熟食先，有糖水咖喱魚蛋炸豬皮同埋雞翼等等。覺得最好食就係炸雞翼配酸甜醬，同埋拎咗好多隻甜蝦，即刻剝殼食又得，放落個鍋度滾幾滾又得。叫咗幾碟牛肉，食幾款唔同嘅牛食落去幾有質感。食完牛就梗係試吓其他嘢啦，叫咗啲丸同魚肉。感覺啲牛丸大大粒好足料。食食吓都覺得口渴拎返支嘢飲，飲品嘅種類都算多，如果覺得最好飲都係一鍋堂自家出嘅香茅檸檬茶，嗰陣味道真係好清香解渴。最後來個飯後甜品，分別係試咗自己自己吱既楊枝甘露軟雪糕，同埋一盒盒綠茶味同埋朱古力味嘅雪糕。楊枝甘露嘅味係適中嘅唔會太甜，但係要鍾意飲楊枝甘露嘅人先會接受到。綠茶雪糕中規中矩，如果朱古力雪糕就係偏比較濃郁嘅，就未必個個都接受到。呢個價錢食得好飽肚，感覺上都係物超所值嘅。打邊爐來講都真係一間環境舒適嘅餐廳，好有空間感。